HOME
DETAILS

കര്‍ണാടക സ്റ്റേറ്റ് ബസില്‍ എക്‌സൈസ് പരിശോധന;എം.ഡി.എം.എയുമായി രണ്ട് മലയാളി വിദ്യാര്‍ത്ഥികള്‍ പിടിയില്‍

  
May 23 2024 | 15:05 PM

karnatakartc bus searched two 21year old student passengers mdma found


കൂട്ടുപുഴ എക്സൈസ് ചെക്‌പോസ്റ്റില്‍ രണ്ടു വിദ്യാര്‍ത്ഥികള്‍ യുമായി പിടിയില്‍. തളിപ്പറമ്പ് സ്വദേശികളായ അല്‍ത്താഫ് ( 21), ഷമ്മസ് (21) എന്നിവരാണ് അറസ്റ്റിലായത്. മൈസൂരില്‍ നിന്നും കണ്ണൂരിലേക്ക് വരികയായിരുന്ന കര്‍ണാടക സ്റ്റേറ്റിന്റെ യാത്രാ ബസ്സില്‍ നിന്നാണ് 9.2 ഗ്രാം എംഡിഎംഎ സഹിതം ഇവരെ പിടികൂടിയത്. 

എക്‌സൈസ് ഇന്‍സ്‌പെക്ടര്‍ മുഹമ്മദ് ഷഫീക്കിന്റെ നേതൃത്വത്തില്‍ ഗ്രേഡ് അസിസ്റ്റന്റ് എക്‌സൈസ് ഇന്‍സ്‌പെക്ടര്‍മാരായ നിസര്‍ ഒ, അഷ്‌റഫ് മലപ്പട്ടം, രത്‌നാകരന്‍ കെ, ഷാജി കെ കെ,  ഗ്രേഡ് പ്രിവന്റീവ്  ഓഫീസര്‍മാരായ പ്രദീപ്കുമാര്‍, ഹരികൃഷ്ണന്‍, സിവില്‍ എക്‌സൈസ് ഓഫീസറായ മജീദ് കെ എ, കലേഷ് എം, സിഇഒ  ഡ്രൈവര്‍ ജുനിഷ് കുമാര്‍ എന്നിവരാണ് സംഘത്തില്‍ ഉണ്ടായിരുന്നത്.


അതേസമയം, കൊച്ചിയില്‍ ഓണ്‍ലൈന്‍ ടാക്‌സിയുടെ മറവില്‍ മയക്കുമരുന്ന് വില്‍പ്പന നടത്തിയിരുന്ന സംഘം എക്‌സൈസ് പിടിയിലായി. ഇവരുടെ പക്കല്‍ നിന്ന് 12 ഗ്രാം എംഡിഎംഎ,15 ഗ്രാം കഞ്ചാവ് എന്നിവ കണ്ടെടുത്തു. മയക്കുമരുന്ന് ഇടപാടിന് ഉപയോഗിച്ചിരുന്ന കാര്‍, മൂന്ന് സ്മാര്‍ട്ട് ഫോണുകള്‍ എന്നിവയും എക്‌സൈസ് കസ്റ്റഡിയില്‍ എടുത്തു. കൊച്ചി കണ്ണമാലി സ്വദേശി 'തീപ്പൊരി' എന്ന് വിളിക്കുന്ന ആല്‍ഡ്രിന്‍ ജോസഫ് , മട്ടാഞ്ചേരി പറവാനമുക്ക് സ്വദേശി സാബു ജെ ആര്‍,  മട്ടാഞ്ചേരി കപ്പലണ്ടി മുക്ക് സ്വദേശി പി എന്‍ നാസിഫ് എന്നിവരാണ്  സ്റ്റേറ്റ് എക്‌സൈസ് എന്‍ഫോഴ്‌സ്‌മെന്റ് സ്‌ക്വാഡ്, എക്‌സൈസ് ഇന്റലിജന്‍സ്, എണാകുളം ടൗണ്‍ നോര്‍ത്ത് എക്‌സൈസ് സര്‍ക്കിള്‍ എന്നിവരുടെ സംയുക്ത നീക്കത്തില്‍ പിടിയിലായത്. 



Comments (0)

Disclaimer: "The website reserves the right to moderate, edit, or remove any comments that violate the guidelines or terms of service."