തൃശ്ശൂര്‍: രാമവര്‍മപുരത്തെ കേരള പൊലിസ് അക്കാദമിയില്‍ വനിതാ ഉദ്യോഗസ്ഥയോട് ഇന്‍സ്‌പെക്ടര്‍ അപമര്യാദയായി പെരുമാറിയെന്ന് പരാതി. ആംഡ് പൊലിസ് ഇന്‍സ്‌പെക്ടര്‍ക്കെതിരെയാണ് പരാതി. 

ഈ മാസം 17 നാണ് പരാതിക്കാസ്പദമായ സംഭവമുണ്ടായത്. ചില രേഖകള്‍ പ്രിന്റെടുക്കാനുണ്ടെന്ന് പറഞ്ഞ് ഉദ്യോഗസ്ഥന്‍ തന്നെ ഓഫിസിലേക്ക് വിളിച്ചുവരുത്തുകയായിരുന്നു. തുടര്‍ന്ന് ഓഫീസിലെത്തിയ തന്നെ ഉദ്യോഗസ്ഥന്‍ കടന്നുപിടിച്ചെന്നും ലൈംഗികാതിക്രമത്തിന് മുതിര്‍ന്നതായും പരാതിയില്‍ പറയുന്നു.

ഉദ്യോഗസ്ഥനെതിരേ കടുത്ത നടപടി വേണമെന്നാണ് പരാതിക്കാരിയുടെ ആവശ്യം. ഇനി അക്കാദമിയില്‍ തുടരാനാകില്ലെന്നും മാനസികമായി ഏറെ പ്രയാസത്തിലാണെന്നും പരാതിയില്‍ പറയുന്നു. തുടര്‍ന്ന് നടത്തിയ പരാതിയില്‍ കഴമ്പുണ്ടെന്ന് കണ്ടെത്തിയതായാണ് സൂചന. ഇന്‍സ്‌പെക്ടര്‍ക്കെതിരെ നടപടിയെടുത്തേക്കും.