വിദേശത്ത് ജോലി തേടുന്നവർക്ക് മികച്ച ഒരു ചോയിസ് ആണ് എസ്റ്റോണിയ എന്ന കൊച്ചു യൂറോപ്യൻ രാജ്യം. കൂടുതൽ മെച്ചപ്പെട്ട തൊഴിലും വേതനവുമാണ് രാജ്യം തൊഴിലാളികൾക്കായി ഉറപ്പു നൽകുന്നത്. യൂറോപ്യൻ രാജ്യങ്ങളിലേക്ക് കുടിയേറ്റത്തിന് തിരഞ്ഞെടുക്കുന്നതിൽ ഇന്ന് എസ്റ്റോണിയ ഒരു ജനപ്രിയ ചോയ്സായി മാറിയിട്ടുണ്ട്.

നിലവിൽ യുകെയും ഫ്രാൻസും കാനഡയും എല്ലാം കുടിയേറ്റ നിയമങ്ങൾ കർശനമാക്കിയതോടെയാണ് മെച്ചപ്പെട്ട തൊഴിലും ജീവിതസാഹചര്യങ്ങളും തേടി യൂറോപ്യൻ രാജ്യങ്ങളിലേക്ക് ആൾക്കാർ കുടിയേറുന്നത്. വെറും 14 ലക്ഷം മാത്രം ജനസംഖ്യയുള്ള ഈ കൊച്ചു രാജ്യം ഇപ്പോൾ തൊഴിലാളിക്ഷാമം നേരിട്ടുകൊണ്ടിരിക്കുകയാണ്. ടാലിൻ ആണ് രാജ്യത്തെ പ്രധാന നഗരം. നിലവിൽ തൊഴിലാളികൾക്ക് മികച്ച അവസരങ്ങളാണ് രാജ്യം തുറന്നു നൽകുന്നത്.

വിസാ നടപടികൾ ലളിതമാക്കിയത് തൊഴിലാളികളെ ആകർഷിക്കാൻ രാജ്യം തീരുമാനിച്ച നയങ്ങളിൽ ഒന്നാണ്. നിലവിൽ യൂറോപ്യൻ യൂണിയൻ ബ്ലൂ കാർഡ് ചട്ടങ്ങളിലും എസ്റ്റോണിയ മാറ്റം വരുത്തിയിട്ടുണ്ട്. ഇത് നേടുക വഴി അന്താരാഷ്ട്ര പൗരന്മാർക്ക് താമസത്തിനുള്ള പെർമിറ്റ് നേടിയെടുക്കാൻ കഴിയും. പ്രസ്തുത മേഖലയിൽ അഞ്ച് വർഷത്തെ പ്രവൃത്തിപരിചയമാണ് ജോലി നേടാൻ രാജ്യം നിഷ്കർഷിക്കുന്ന പ്രധാന യോഗ്യത. പ്രവർത്തി പരിചയം ഉള്ളവർക്ക് ബ്ലൂ കാർഡിന് അപേക്ഷിക്കാം. മുൻപ് അപേക്ഷയ്ക്ക് നിയന്ത്രണം ഉണ്ടായിരുന്നതാണ് ഇപ്പോൾ തൊഴിലാളികളെ ആകർഷിക്കാൻ തുറന്നു നൽകിയിരിക്കുന്നത്.

കൂടുതൽ തൊഴിൽ വാർത്തകള്‍ക്ക് ഗ്രൂപ്പിൽ ജോയിന്‍ ചെയ്യുക