ചണ്ഡിഗഢ്: രാജ്യത്ത് പുതു ചരിത്രം തീര്‍ക്കുന്ന ഇന്‍ഡ്യ മുന്നണിയുടെ മുന്നേറ്റത്തിനൊപ്പം ചേര്‍ന്ന് ഹരിയാനയും. കോണ്‍ഗ്രസിന്റെ വന്‍ തിരിച്ചു വരവാണ് ഇവിടെ സംഭവിച്ചിരിക്കുന്നത്. അഞ്ചു സീറ്റിലാണ് ഇവിടെ കോണ്‍ഗ്രസ് മുന്നേറ്റം നടത്തുന്നത്. കഴിഞ്ഞ തവണ പത്തില്‍ പത്തും ജയിച്ചാണ് ബി.ജെ.പി സംസ്ഥാനം തൂത്തുവാരിയത്. എന്നാല്‍, ബി.ജെ.പി അഞ്ച് സീറ്റിലേക്കു ചുരുങ്ങിയിരിക്കുകയാണ്.

അംബാലയില്‍ വരുണ്‍ ചൗധരി, സിര്‍സയില്‍ സെല്‍ജ, സോനിപത്തില്‍ സത്പാല്‍ ബ്രഹ്മചാരി, ഹിസാറില്‍ ജയപ്രകാശ്, റോഹ്തകില്‍ ദീപേന്ദര്‍ സിങ് ഹൂഡ എന്നിവരാണ് ലീഡ് ചെയ്യുന്ന കോണ്‍ഗ്രസ് സ്ഥാനാര്‍ഥികള്‍. ബിവാനി മഹേന്ദ്രഗഢില്‍ ധരംബീര്‍ സിങ്, ഫരീദാബാദില്‍ കൃഷന്‍ പാല്‍, ഗുരുഗ്രാമില്‍ റാവു ഇന്ദ്രജിത് സിങ്, കര്‍ണാനില്‍ മനോഹര്‍ലാല്‍, കുരുക്ഷേത്രയില്‍ നവീന്‍ ജിന്‍ഡാല്‍ എന്നിവരാണ് ബി.ജെ.പി സ്ഥാനാര്‍ഥികളില്‍ മുന്നിട്ടുനില്‍ക്കുന്നത്.