HOME
DETAILS

പന്തീരാങ്കാവ് സ്ത്രീപീഡനക്കേസ്: രാഹുലിനെതിരായ ആരോപണങ്ങള്‍ കെട്ടിച്ചമച്ചതെന്ന് പരാതിക്കാരി

  
Web Desk
June 10 2024 | 12:06 PM

pantheerankavucase-latest news-fake statement-today

കോഴിക്കോട്: പന്തീരാങ്കാവ് സ്ത്രീധന പീഡനക്കേസില്‍ മലക്കംമറിഞ്ഞ് പരാതിക്കാരിയായ യുവതി. ആരോപണങ്ങള്‍ കെട്ടിച്ചമച്ചതാണെന്നും ഭര്‍ത്താവായ രാഹുലിനെതിരായ ആരോപണങ്ങള്‍ കുടുംബവും വക്കീലും ചേര്‍ന്ന് നിര്‍ബന്ധിച്ച് പറയിപ്പിച്ചതാണെന്ന് സോഷ്യല്‍ മീഡിയ വഴി പുറത്തുവിട്ട വിഡിയോയില്‍ യുവതി പറഞ്ഞു. സംഭവത്തിൽ കുറ്റാരോപിതനായ രാഹുലിനെ നാട്ടിലെത്തിക്കാൻ സിബിഐ അടക്കം രംഗത്തിറങ്ങിയ ഘട്ടത്തിലാണ് യുവതിയുടെ മൊഴിമാറ്റം.

അതേസമയം യുവതിയെ കുറച്ചുദിവസങ്ങളായി കാണാനില്ലെന്ന് യുവതിയുടെ അച്ഛന്‍ പ്രതികരിച്ചു. ശനിയാഴ്ചയാണ് അവസാനമായി ഫോണില്‍ സംസാരിച്ചതെന്നും പിന്നീട് വിളിക്കുമ്പോള്‍ ഫോണ്‍ കട്ട് ചെയ്യുകയായിരുന്നെന്നും ഓഫിസിലേക്ക് വിളിച്ച് അന്വേഷിച്ചപ്പോള്‍ കഴിഞ്ഞ കുറച്ചു ദിവസങ്ങളായി ലീവ് എടുത്തിരിക്കുകയാണെന്നുമാണ് അറിയാന്‍ കഴിഞ്ഞതെന്നും അച്ഛന്‍ പറഞ്ഞു. യുവതിയെ കാണാനില്ലെന്ന് ചൂണ്ടിക്കാട്ടി പൊലിസില്‍ പരാതി നല്‍കിയിരിക്കുകയാണ് കുടുംബം. അതേസമയം ഇപ്പോള്‍ പുറത്തുവന്ന വിഡിയോ മറ്റാരോ യുവതിയെക്കൊണ്ട് നിര്‍ബന്ധിച്ച് പറഞ്ഞതാണെന്നും കുടുംബം പറഞ്ഞു. 

 



Comments (0)

Disclaimer: "The website reserves the right to moderate, edit, or remove any comments that violate the guidelines or terms of service."