യൂറോകപ്പിന്റെ ആവേശം കത്തിപ്പടരവെ പോളണ്ട് രാജ്യാന്തര ക്യാമ്പിനെ ആശങ്കയിലാക്കി ലെവന്‍ഡോവ്‌സ്‌കിക്ക് പരിക്ക്. പോളണ്ടിന്റെ ക്യാപ്റ്റന്‍ കൂടിയായ ലെവക്ക് യൂറോയിലെ ആദ്യമത്സരം നഷ്ടമാകും. പോളിഷ് ഫുട്‌ബോള്‍ ഫെഡറേഷന്‍ ഇക്കാര്യം ഔദ്യോഗികമായി അറിയിച്ചിട്ടുണ്ട്. തുര്‍ക്കിയുമായി നേരത്തെ നടന്ന സന്നാഹമത്സരത്തിലാണ് താരത്തിന് പരിക്കേറ്റത്.താരത്തിന്റെ പരിക്ക് സാരമുള്ളതായതിനാല്‍ ഗ്രൂപ്പ് ഘട്ടത്തിലെ ആദ്യ മത്സരം നഷ്ടമാവുമെന്നാണ് ഫെഡറേഷന്‍ വ്യക്തമാക്കിയത്.അതേസമയം ജൂണ്‍ 14നാണ് യൂറോകപ്പ് മത്സരങ്ങള്‍ ആരംഭിക്കുന്നത്.ഹോളണ്ടുമായിട്ടാണ് പോളണ്ടിന്റെ ആദ്യ മത്സരം.