നല്ല ക്ഷീണമുള്ളപ്പോള്‍ എനര്‍ജി തരുന്ന ഒരു ഡ്രിങ്കാണ് കൂള്‍ കോഫി

ആവശ്യമുള്ള സാധനങ്ങള്‍

കോഫി പൗഡര്‍- 5 ടീസ്പൂണ്‍
പാല്‍- രണ്ടു കപ്പ്
പഞ്ചസാര- ആവശ്യത്തിന്
ഐസ് ക്രീം- രണ്ടോ മൂന്നോ സ്‌കൂപ്പ്

തയ്യാറാക്കുന്ന വിധം

കോഫി പൗഡര്‍ 5 ടീസ് പൂണ്‍ എടുക്കുക. അതിലേക്ക് കുറച്ചു ചൂടുവെള്ളം ഒഴിച്ചു നന്നായി മിക്‌സ് ചെയ്യുക. ഇനി മിക്‌സിയുടെ ജാറിലേക്ക് നന്നായി തണുപ്പിച്ച പാല്‍ രണ്ട് കപ്പ്, ലയിപ്പിച്ചു വച്ച കോഫി, പഞ്ചസാര ആവശ്യത്തിനനുസരിച്ച് ചേര്‍ത്ത് നന്നായി ബ്ലന്‍ഡ്‌ചെയ്യുക.

ഇനി ഇതിലേക്ക് രണ്ട് സ്‌കൂപ്പ് ഐസ്‌ക്രീം ചേര്‍ത്ത് ഒന്നു കൂടെ അടിച്ചെടുക്കുക. (വനിലയാണ് ടേസ്റ്റ്). ഇത് അടിപൊളി സേര്‍വിങ് ഗ്ലാസിലേക്ക് ഒഴിക്കുക. ഗാര്‍നിഷ് ചെയ്യാന്‍ ഇന്‍സ്റ്റന്റ് കോഫിപൗഡര്‍ ചേര്‍ക്കാവുന്നതാണ്.

(കുറച്ച് ഇന്‍സ്റ്റന്റ് കോഫി പൗഡര്‍ പേസ്റ്റ് രൂപത്തിലാക്കുക. സെര്‍വിങ് ഗ്ലാസ് എടുത്ത് അതിലേക്ക് ഈ പേസ്റ്റ് വച്ചും ഗാര്‍നിഷ് ചെയ്യാം).