പാലാ : ഐ.എം.എ ഡി.റ്റി.എഫ് കോട്ടയത്തിന്റെയും മരിയസദനം പാലായുടെയും റോട്ടറി ക്ലബ് പാലായുടെയും സംയുക്താഭിമുഖ്യത്തില്‍ നേത്രപക്ഷാചരണവും ഫ്രണ്ട്‌സ് ഓഫ് മരിയസദനം 2016 അവാര്‍ഡ് വിതരണവും നാളെ വൈകിട്ട് 7 മണിക്ക് മരിയസദനത്തില്‍ നടക്കും.
ശ്രീശങ്കരാ യൂനിവേഴ്‌സിറ്റി പ്രഥമ വൈസ്ചാന്‍സിലറും മുന്‍ കേരളാ ചീഫ് സെക്രട്ടറിയുമായിരുന്ന ആര്‍. രാമചന്ദ്രന്‍ നായര്‍ അവാര്‍ഡ് സമ്മാനിക്കും. വിശിഷ്ട മാനവസേവനത്തിനുള്ള അവാര്‍ഡ് പാലാ അല്‍ഫോന്‍സാ കണ്ണാശുപത്രി ഡയറക്ടറും ഡോക്ടര്‍മാരുമായ ഡോ. കെ.സി. ബേബി ഓലിക്കല്‍, ഡോ. അലക്‌സ് ബേബി, ഡോ. ടീനാ അലക്‌സ് എന്നിവര്‍ ഏറ്റുവാങ്ങും. വാര്‍ത്താ സമ്മേളനത്തില്‍ ഡോ. ജി. ഹരീഷ്‌കുമാര്‍, സന്തോഷ് ജോസഫ്, ടിംസ് പോത്തന്‍ ജോസഫ് എന്നിവര്‍ പങ്കെടുത്തു.