ഈരാറ്റുപേട്ട: ഏത് മുന്നണി ഭരിച്ചാലും സര്‍ക്കാര്‍ ഉത്തരവിന് പുല്ലുവില തന്നെ.നഗരസഭയിലും കോര്‍പറേഷനുകളിലും ബഹുനില കെട്ടിട നിര്‍മാണം നിയമാനുസൃതമാണെന്ന് ഉറപ്പാക്കാനവശ്യമായ വിവരങ്ങള്‍ പ്രദര്‍ശിപ്പിക്കണമെന്നുള്ള ഉത്തരവ് കടലാസില്‍ ഉറങ്ങുന്നു.
2012 ജൂലൈ 12നാണ് തദ്ദേശസ്വയംഭരണ വകുപ്പ് ഈ ഉത്തരവ് ഇറക്കിയത്.
300 ചതുരശ്ര അടി വിസ്തീര്‍ണ്ണമുള്ള വാസഗൃഹങ്ങളും 150 അടി ചതുരശ്ര അടി വിസ്തീര്‍ണ്ണമുള്ള വാസേതര കെട്ടിടങ്ങളും നിര്‍മ്മിക്കുമ്പോള്‍ ഈ നിയമം ബാധകമാണെന്ന് ഉത്തരവില്‍ പറയുന്നത്.
വന്‍കിട കെട്ടിടങ്ങള്‍ക്ക് സുരക്ഷാ ക്രമീകരണങ്ങള്‍, പാര്‍ക്കിങ് സൗകര്യങ്ങള്‍ എന്നിവയുണ്ടെന്ന് പൊതുജനങ്ങള്‍ക്ക് കൂടി ഉറപ്പാക്കാനാണ് ഉത്തരവ് ഇറക്കിയത്.
നിര്‍മാണമോ വികസനമോ നടത്തുമ്പോള്‍ വിശദാംശങ്ങള്‍ പരസ്യപ്പെടുത്തണം. ഉടമസ്ഥന്റെ പേരും കരാറുകാരന്റെ പേരും മേല്‍വിലാസവും ഫോണ്‍ നമ്പരും പെര്‍മിറ്റ് നല്‍കുന്ന തദ്ദേശസ്വയംഭരണ സ്ഥാപനത്തിന്റെ പേരും വ്യക്തമാക്കണം. പെര്‍മിറ്റ് ലഭിച്ചതിന്റെ നിലകളുടെ എണ്ണം പെര്‍മിന്റിന്റെ കാലാവധി എന്ന അവസാനിക്കും.
അപ്പാര്‍ട്ടമെന്റുകളോ വീടുകളോയാണങ്കില്‍ വിശ്രമ വിനോദസ്ഥലത്തിന്റെ അളവും കാണിച്ചിരിക്കണം.എന്നാല്‍ ഇവയൊന്നും പാലിക്കാതെയാണ് ജില്ലയില്‍ പലയിടങ്ങളിലും കെട്ടിടങ്ങള്‍ കെട്ടിയുയര്‍ത്തുന്നത്.
പണമുള്ളവന്‍ കാര്യക്കാരന്‍ എന്നമട്ടാണ് ഉദ്യോഗസ്ഥര്‍ക്കും. സാധാരണക്കാരെ നിസാര കാര്യത്തിന്റെ പേരില്‍ നൂറു തവണ ഓഫീസ് കയറ്റുമ്പോഴാണ് സര്‍ക്കാര്‍ ഉത്തരവ് പാലിക്കാത്ത വന്‍കിട കമ്പനികള്‍ക്ക് ഉദ്യോഗസ്ഥരും പിന്തുണ നല്‍കുന്നത്.ഈ ഉത്തരവാണ് ഫയലില്‍ ഇപ്പോള്‍ ഉറങ്ങുന്നത്.