തിരുവനന്തപുരം: മെഡിക്കല്‍ കോളജില്‍ ഏകജാലക ഐഡന്റിറ്റി കാര്‍ഡ് സംവിധാനം വരുന്നു. നിലവില്‍ മെഡിക്കല്‍ കോളജ് കാമ്പസിലെ ഓരോ സ്ഥാപനങ്ങളും അവരുവരുടേതായ ഐഡന്റിറ്റി കാര്‍ഡുകളാണ് നല്‍കുന്നത്. ഇതിന്റെ മറവില്‍ വ്യാജ ഐ.ഡി. കാര്‍ഡുകള്‍ ഇറങ്ങുന്നതായും അതുപയോഗിച്ച് പല തട്ടിപ്പുകള്‍ നടക്കുന്നതായും പരാതി ഉയര്‍ന്നിരുന്നു. ഇതിന് പരിഹാരമായാണ് കാമ്പസിലെ എല്ലാ ജീവനക്കാരേയും ഉള്‍ക്കൊള്ളിച്ച്, ഏകജാലക ഐ.ഡി കാര്‍ഡുകളും വാഹന പാസ് സ്റ്റിക്കറുകളും നല്‍കാന്‍ തീരുമാനിച്ചത്.