കൊട്ടിയം: മയ്യനാട് താന്നിയില്‍ സുമേഷിനെ കൊലപ്പെടുത്തിയ സംഭവത്തില്‍ കൂടുതല്‍ തെളിവുകള്‍ ലഭിച്ചു.
സുമേഷിനെ അടിക്കാന്‍ ഉപയോഗിച്ച കമ്പിവടി കഴിഞ്ഞ ദിവസം പൊലിസ് കണ്ടെടുത്തു. കൊലപാതകത്തില്‍ പങ്കാളികളായ സംഘത്തിലെ ഏഴു പേരെ സംഭവ സ്ഥലത്തെത്തിച്ചു നടത്തിയ തെളിവെടുപ്പിനിടയില്‍ വാളത്തുംഗല്‍ ഗുരുമന്ദിരത്തിന് സമീപത്തുനിന്നുമാണ് വധിക്കാന്‍ ഉപയോഗിച്ച ആയുധം കണ്ടെടുത്തത്.
പ്രതികളുടെ മൊബൈല്‍ നമ്പരുകളും പരിശോധിച്ചു. തെളിവെടുപ്പിന് ശേഷം പ്രതികളെ കോടതിയിലേയ്ക്ക് കൊണ്ടുപോയി.