കല്‍പ്പറ്റ: ടൂറിസം മേഖലയുടെ സമഗ്ര വികസനം ലക്ഷ്യമാക്കി പ്രവര്‍ത്തിക്കുന്ന കേരള ചേംബര്‍ ഓഫ് ടൂറിസം ജില്ലകള്‍ തോറും നടപ്പിലാക്കുന്ന പദ്ധതികളുടെ ഭാഗമായി ജില്ലയില്‍ ക്വാളിറ്റി ഓറിയന്റേഷന്‍ സെമിനാര്‍ സംഘടിപ്പിച്ചു. സെമിനാര്‍ സി.കെ ശശീന്ദ്രന്‍ എം.എല്‍.എ ഉദ്ഘാടനം ചെയ്തു. ചേംബര്‍ ഓഫ് ടൂറിസം ചെയര്‍മാന്‍ ബെഞ്ചമിന്‍ ഇശോ അധ്യക്ഷനായി. ഡി.റ്റി.പി.സി ഡെപ്യൂട്ടി ഡയറക്ടര്‍ സി.എന്‍ അനിതാകുമാരി മുഖ്യപ്രഭാഷണം നടത്തി. ഡബ്ല്യു.ടി.ഒ പ്രസിഡന്റ് വാഞ്ചീശ്വരന്‍, ലാസര്‍ സി ബോസ്, അജയ് ഉമ്മന്‍, കാച്ചാണി സനല്‍ സംസാരിച്ചു. ഡി.ടി.പി.സി മാനേജര്‍ സി.ആര്‍ ഹരിഹരന്‍, സ്‌പെഷല്‍ ബ്രാഞ്ച് ഡിവൈ.എസ്.പി വി.ജി കുഞ്ഞന്‍, രഞ്ജിനി മേനോന്‍ എന്നിവര്‍ ക്ലാസുകള്‍ നയിച്ചു.