മൊഗാദിശു: സൊമാലിയന്‍ പ്രസിഡന്റിന്റെ കൊട്ടാരത്തിനു മുന്നിലുണ്ടായ ചാവേര്‍ സ്‌ഫോടനത്തില്‍ 12 പേര്‍ കൊല്ലപ്പെട്ടു. സ്‌ഫോടക വസ്തുക്കള്‍ നിറച്ച ട്രക്ക് കൊട്ടാരത്തിന്റെ ഗേറ്റിനു സമീപം പൊട്ടിത്തെറിക്കുകയായിരുന്നു. രാവിലെ തിരക്കേറിയ സമയത്താണ് സ്‌ഫോടനമെന്ന് പൊലിസ് പറഞ്ഞു.
കൊട്ടാരത്തിനടുത്തെ എസ്.വൈ.എല്‍ ഹോട്ടലിലെ 31 പേര്‍ക്ക് സ്‌ഫോടനത്തില്‍ പരുക്കേറ്റു. ഹോട്ടല്‍ ഭാഗികമായി തകര്‍ന്നു. സമീപത്തെ വീടുകള്‍ക്കും കേടുപാടുകളുണ്ടായി.
പരുക്കേറ്റവരില്‍ സൊമാലിയന്‍ മന്ത്രിസഭയിലെ കാബിനറ്റ് റാങ്കുള്ള മന്ത്രിമാരും ഉള്‍പ്പെടും. മൊഗാദിശുവില്‍ മറ്റിടങ്ങളിലും സ്‌ഫോടനമുണ്ടായതായി റിപ്പോര്‍ട്ടുണ്ട്. ആക്രമണത്തിന്റെ ഉത്തരവാദിത്വം അല്‍ശബാബ് ഏറ്റെടുത്തു. വിമതരുടെ അനാദലുസ് റേഡിയോയിലൂടെയാണ് ഇവര്‍ ഉത്തരവാദിത്വം ഏറ്റെടുത്തത്. പരുക്കേറ്റവരെ മൊഗാദിശുവിലെ മദീന ആശുപത്രിയില്‍ പ്രവേശിപ്പിച്ചു.