ആംഡ് ഫോഴ്‌സസ് മെഡിക്കല്‍ സര്‍വീസസില്‍ മെഡിക്കല്‍ ഓഫീസര്‍മാരെ നിയമിക്കുന്നു. ഷോര്‍ട്ട് സര്‍വീസ് കമ്മീഷന്‍ വ്യവസ്ഥ പ്രകാരമുള്ള നിയമനമാണ് നടക്കുന്നത്. ആകെ 450 ഒഴിവുകളാണുള്ളത്. ജൂലൈ 16 മുതല്‍ ആഗസ്റ്റ് 4 വരെ ഓണ്‍ലൈനായി അപേക്ഷിക്കാം. യോഗ്യത, മറ്റ് വിശദ വിവരങ്ങള്‍ താഴെ, 

ഒഴിവ്

മെഡിക്കല്‍ ഓഫീസര്‍ പോസ്റ്റില്‍ ആകെ 450 ഒഴിവുകളാണുള്ളത്. 

പുരുഷന്‍ - 338 ഉം, വനിതകള്‍ക്ക് 112ഉം ഒഴിവുകളുണ്ട്. 

യോഗ്യത

• എം.ബി.ബി.എസ് (പാര്‍ട്ട്-I, II ) പരമാവധി രണ്ട് അവസരങ്ങള്‍ക്കുള്ളില്‍ നേടിയിരിക്കണം. 
  
  
• 2024 ഓഗസ്റ്റ് 15നുള്ളില്‍ ഇന്റേണ്‍ഷിപ്പ് പൂര്‍ത്തിയാക്കിയിരിക്കണം. 
  
  
• കഴിഞ്ഞ രണ്ട് വര്‍ഷത്തിനുള്ളില്‍ നീറ്റ് പിജി നേടിയിരിക്കണം. (നിലവില്‍ പിജിയുള്ള സിവിലിയന്‍ ഡോക്ടര്‍മാര്‍ ഒഴികെയുള്ളവര്‍). 
  
  
• മെഡിക്കല്‍ കൗണ്‍സില്‍ രജിസ്‌ട്രേഷന്‍ ഉണ്ടായിരിക്കണം. 

പ്രായപരിധി

എം.ബി.ബി.എസ് മാത്രമുള്ളവര്‍ 1995 ജനുവരി രണ്ടിനോ അതിനുശേഷമോ ജനിച്ചവരും, പിജി ഡിഗ്രിയുള്ളവര്‍ 1990 ജനുവരി രണ്ടിനോ അതിനുശേഷമോ ജനിച്ചവരുമായിരിക്കണം. 

നീറ്റ് പിജി എന്‍ട്രന്‍സ് മാര്‍ക്ക് അടിസ്ഥാനമാക്കി ചുരുക്കപ്പട്ടിക തയ്യാറാക്കിയ ശേഷം അഭിമുഖം നടത്തിയാണ് തെരഞ്ഞെടുപ്പ്.  ഡല്‍ഹിയിലാണ് ഇന്റര്‍വ്യൂ നടക്കുക. 

അപേക്ഷ 

ഉദ്യോഗാര്‍ഥികള്‍ക്ക് www.amcsscentry.gov.in എന്ന വെബ്‌സൈറ്റ് സന്ദര്‍ശിച്ച് അപേക്ഷിക്കാം. ആഗസ്റ്റ് 4വരെയാണ് അവസരം. 200 രൂപ അപേക്ഷ ഫീസുണ്ട്. 

medical officer recruitment in army fields apply till aug 4

കൂടുതൽ തൊഴിൽ വാർത്തകള്‍ക്ക് ഗ്രൂപ്പിൽ ജോയിന്‍ ചെയ്യുക