ഗസ്സ സിറ്റി: ഹമാസിന്റെ സൈനിക മേധാവി മുഹമ്മദ് ദെയ്ഫിനെ കൊലപ്പെടുത്തിയെന്ന അവകാശ വാദം സ്ഥിരീകരിക്കാതെ ഹമാസ്. അദ്ദേഹത്തിന് നേരെയുണ്ടായ ആക്രമണത്തില്‍ അദ്ദേഹം അദ്ഭുതകരമായി രക്ഷപ്പെട്ടു എന്നാണ് ഹമാസിന്റെ പ്രതികരണമെന്ന് റിപ്പോര്‍ട്ടുകള്‍.

അല്‍ ഖസ്സാം നേതാക്കളുടെ രക്തസാക്ഷിത്വം സ്ഥിരീകരിക്കേണ്ടതും നിഷേധിക്കേണ്ടതും ഖസ്സാം നേതൃത്വമാണ്. അവരു ഭാഗത്തു നിന്ന് പ്രഖ്യാപനങ്ങളില്ലാതെ മാധ്യമങ്ങളില്‍ വരുന്ന വാര്‍ത്തകള്‍ അടിസ്ഥാനരഹിതമാണ്- ടെലിഗ്രാം പേജില്‍ പറയുന്നു. 

ൂലൈ 13 ന് ഖാന്‍ യൂനുസ് മേഖലയില്‍ നടന്ന വ്യോമാക്രമണത്തില്‍ മുഹമ്മദ് ദെയ്ഫ് കൊല്ലപ്പെട്ടതായി സ്ഥിരീകരിച്ചുവെന്നാണ് സൈന്യം പുറത്തുവിട്ടത്. 

മുഹമ്മദ് ദൈഫിനെയും മുതിര്‍ന്ന ഹമാസ് അംഗം റാഫി സലാമയെയും ലക്ഷ്യമിടുന്നുവെന്ന് അവകാശപ്പെട്ടാണ് ജൂലൈ 13 ന് ഖാന്‍ യൂനുസിലെ അഭയാര്‍ഥി സുരക്ഷാ മേഖലയായ അല്‍-മവാസിയില്‍ ഇസ്‌റാഈല്‍ സൈന്യം വന്‍ വ്യോമാക്രമണം നടത്തിയത്. ഒക്ടോബറില്‍ വംശഹത്യാ യുദ്ധം ആരംഭിച്ചതിനുശേഷം ഏറ്റവും കൂടുതല്‍ ജീവനാശവും പരിക്കും ഏല്‍പിച്ചുകൊണ്ടുള്ള വിനാശകരമായ ആക്രമണമായിരുന്നു അത്. 90ലധികം ഫലസ്തീനികള്‍ കൊല്ലപ്പെടുകയും കുട്ടികളും പാരാമെഡിക്കുകളും ഉള്‍പ്പെടെ 300ലധികം പേര്‍ക്ക് പരിക്കേല്‍ക്കുകയും ചെയ്തു. ഇത് കടുത്ത ആഗോള രോഷത്തിന് വഴിവെച്ചിരുന്നു.