മേപ്പാടി: ഉരുള്‍പൊട്ടലില്‍ രേഖകള്‍ നഷ്ടപ്പെട്ടവര്‍ക്ക് മാത്രമായി പ്രത്യേക അദാലത്തില്ലെങ്കില്‍ ഇരകള്‍ റവന്യൂ ഓഫിസുകള്‍ കയറിയിറങ്ങി ദുരിതത്തിലാകും. അഞ്ചുവര്‍ഷം മുമ്പ് നടന്ന കവളപ്പാറ ദുരന്തത്തിലെ ഇരകള്‍ മാസങ്ങളോളമാണ് രേഖകള്‍ക്കായി അലഞ്ഞത്.
റവന്യൂ, തദ്ദേശം, വിദ്യാഭ്യാസ വകുപ്പുകളില്‍നിന്ന് ലഭിക്കേണ്ട രേഖകള്‍ വീണ്ടെടുക്കാനാണ് ഏറെ ദുരിതം. ഇതിനായി ദിവസങ്ങളോളമാണ് ഓഫിസുകള്‍ കയറി ഇറങ്ങേണ്ടി വരിക. ഇതോടൊപ്പം വാഹനങ്ങളുടെ രേഖകളാണെങ്കില്‍ പൊലിസ് പരാതിയും പത്രപ്പരസ്യമടക്കം നല്‍കണം.

എസ്.എസ്.എല്‍.സി ബുക്ക്, ആധാരങ്ങള്‍ തുടങ്ങിയവയ്ക്കും കടമ്പകളേറെയാണ്. ഇരകളായവര്‍ക്ക് ഒരിടത്ത് തന്നെ വിവധ അദാലത്തുകള്‍ നടത്തിയാല്‍ ഇവ ലഭ്യമാകല്‍ എളുപ്പമാകും. വയനാട് ദുരന്തബാധിത പ്രദേശങ്ങളില്‍ വീട് നഷ്ടപ്പെട്ട് രക്ഷപ്പെട്ട പ്രദേശവാസികള്‍ നിലവിലെ സ്ഥലത്ത് രേഖകളും മറ്റും തിരയുന്ന കാഴ്ചയാണുള്ളത്.

Victims of the Wayanad landslide face challenges in retrieving lost documents. A special adalat is needed to streamline the process, preventing the need for victims to repeatedly visit revenue offices and other departments