മസ്‌കത്ത് :ഒമാനിൽ  ന്യൂനമർദത്തെ തുടർന്ന് രാജ്യത്തിന്റെ വിവിധ ഗവർണറേറ്റുകളിൽ ശക്തമായ മഴ. തിങ്കളാഴ്ച മുതൽ തുടങ്ങിയ മഴ ഇന്ന് രാവിലെയോടെ ശക്തമായി. ഇസ്‌കി-സിനാവ് അഞ്ച് പേർ സഞ്ചരിച്ച വാഹനം വാദിയിൽ പെട്ട് (മലവെള്ളപ്പാച്ചിൽ) ഒരു കുട്ടി മരിച്ചതായും നാല് പേരെ രക്ഷപ്പെടുത്തിയതായും റോയൽ ഒമാൻ പൊലീസ് റിപ്പോർട്ട് ചെയ്തു.രക്ഷപ്പെട്ടവരെ ഇബ്ര റഫൻസ് ആശുപത്രിയിൽ എത്തിച്ച് ചികിത്സ ലഭ്യമാക്കി.

 മറ്റൊരു സംഭവത്തിൽ വാദി ബനീ ഹനിയിൽ വാദിയിൽ പെട്ട രണ്ട് പേരെ രക്ഷപ്പെടുത്തി എയർലിഫ്റ്റ് ചെയ്തതായും പോലിസ് അറിയിച്ചു.അതേസമയം, ഒമാനിലെ വടക്കൻ മേഖലയിൽ ശക്തമായ കാറ്റും ഇടിമിന്നലോടും കൂടിയ മഴ തുടരുകയാണ്.ബുറൈമി, സുവൈഖ്, ഖാബൂറ, റുസ്താഖ്, ആമിറാത്ത്, മുസന്ന, ഇസ്‌കി, സഹം, ഹംറ, നഖൽ  തുടങ്ങിയ ഇടങ്ങളിലെ വിവിധ പ്രദേശങ്ങളിലാണ് ശക്തമായ മഴയുള്ളത്. 

ശക്തമായ മഴ പെയ്ത പ്രദേശങ്ങളിൽ വാദികൾ നിറയുകയും ചൂട് കുറയുകയും ചെയ്തു.മഴ കനത്തതോടെ മലമുകളിൽ നിന്ന് വെള്ളം കുത്തിയൊലിച്ചെത്തി വാദികൾ പലതും നിറഞ്ഞ് കവിഞ്ഞ് വെള്ളം റോഡുകളിലേക്കെത്തി.ഇത് ചിലയിടങ്ങളിൽ വെള്ളക്കെട്ടുകൾ സൃഷ്ടിച്ചു.ഒമാനിൽ കനത്ത മഴ ലഭിക്കുമെന്നും മിന്നൽ പ്രളയത്തിന് സാധ്യതയുണ്ടെന്നും സിവിൽ ഏവിയേഷൻ അതോറിറ്റി കഴിഞ്ഞ ദിവസം മുന്നറിയിപ്പ് പുറപ്പെടുവിച്ചിരുന്നു. ബുധനാഴ്ച വരെ മഴ തുടരുമെന്നും ജാ​ഗ്രത പാലിക്കാനും മുന്നറിയിപ്പ് നൽകിയിട്ടുണ്ട്. മിക്ക വടക്കൻ ഗവർണറേറ്റുകളിലും അന്തരീക്ഷം മേഘാവൃതമായിരിക്കുമെന്നും തുടർന്നുള്ള ദിവസങ്ങളിലും അസ്ഥിര കാലാവസ്ഥ തുടർന്നാക്കാമെന്നും മുന്നറിയിപ്പിൽ പറയുന്നു.25 മുതൽ 50 മില്ലീമീറ്റർ വരെ മഴ ലഭിക്കാൻ സാധ്യതയുണ്ട്. 15 മുതൽ 25 നോട്ട് വരെ വേഗത്തിൽ കാറ്റു വീശാൻ സാധ്യതയുണ്ട്. തീരദേശങ്ങളിൽ തിരമാല ഉയരുകയും,കടൽ പ്രബക്ഷുബ്ധമാകാനും സാധ്യതയുണ്ട്. ഒമാൻ കടലിന്റെ തീരങ്ങളിൽ തിരമാലകൾ ഉയർന്നേക്കാം. മുഴുവൻ ആളുകളും ജാഗ്രതാ മുന്നറിയിപ്പുകൾ അനുസരിക്കണമെന്നും വാദികൾ മുറിച്ച് കടക്കാൻ ശ്രമിക്കരുതെന്നും സിവിൽ ഏവിയേഷൻ അതോറിറ്റി അറിയിച്ചു.

Oman is facing severe weather due to a low-pressure system, resulting in intense rainfall and flash floods. The extreme conditions have caused one death and left several people trapped in the floodwaters. Rescue operations are ongoing, and heavy rains are expected to continue.

കൂടുതൽ ഗൾഫ് വാർത്തകൾക്ക് ഈ ഗ്രൂപ്പിൽ ജോയിൻ ചെയ്യുക