ജുമേയ്‌റ സ്ട്രീറ്റിൽ അറ്റകുറ്റപ്പണികൾ നടക്കുന്നതിനാൽ അതിലൂടെയുള്ള യാത്രകളിൽ കാലതാമസം നേരിടാൻ സാധ്യതയുണ്ടെന്ന് ദുബൈ റോഡ്സ് ആൻഡ് ട്രാൻസ്‌പോർട്ട് അതോറിറ്റി (RTA) മുന്നറിയിപ്പ് നൽകി. 2024 ഓഗസ്റ്റ് 10-നാണ് റോഡ്സ് ആൻഡ് ട്രാൻസ്‌പോർട്ട് അതോറിറ്റി ഇത് സംബന്ധിച്ച അറിയിപ്പ് നൽകിയത്.

ജുമേയ്‌റ സ്ട്രീറ്റിൽ അറ്റകുറ്റപ്പണികൾ നടത്തുന്നത് മൂന്ന് വാരാന്ത്യങ്ങളിലായാണ് . ഓരോ വാരാന്ത്യത്തിലും ശനിയാഴ്ച വൈകീട്ട് 2 മണിമുതൽ തിങ്കളാഴ്ച രാവിലെ 5 മണിവരെയുള്ള സമയങ്ങളിലാണ് ഈ അറ്റകുറ്റപ്പണികൾ നടത്തുന്നത്.

-2024 ഓഗസ്റ്റ് 10, ശനിയാഴ്ച മുതൽ ഓഗസ്റ്റ് 12, തിങ്കളാഴ്ച വരെ – അൽ മനാരാ സ്ട്രീറ്റിനും, ഉം അൽ ഷെയ്‌ഫ് റോഡിനും ഇടയിൽ ഇരു വശങ്ങളിലേക്കും.

-2024 ഓഗസ്റ്റ് 17, ശനിയാഴ്ച മുതൽ ഓഗസ്റ്റ് 19, തിങ്കളാഴ്ച വരെ – അൽ മനാരാ സ്ട്രീറ്റ് ഇന്റർസെക്ഷനും അൽ താന്യ സ്ട്രീറ്റ് ഇന്റർസെക്ഷനും ഇടയിൽ ഇരു വശങ്ങളിലേക്കും.

-2024 ഓഗസ്റ്റ് 24, ശനിയാഴ്ച മുതൽ ഓഗസ്റ്റ് 26, തിങ്കളാഴ്ച വരെ – മെർക്കറ്റോയ്ക്ക് സമീപമുള്ള മേഖലയിൽ ഇരു വശങ്ങളിലേക്കും.

കൂടുതൽ ഗൾഫ് വാർത്തകൾക്ക് ഈ ഗ്രൂപ്പിൽ ജോയിൻ ചെയ്യുക