ന്യൂഡല്‍ഹി: മദ്യനയകേസില്‍ ജയില്‍ മോചിതനാക്കണമെന്നാവശ്യപ്പെട്ട് ഡല്‍ഹി മുഖ്യമന്ത്രി അരവിന്ദ് കെജ്‌രിവാള്‍ സമര്‍പ്പിച്ച ഹരജി ഇന്ന് സുപ്രിം കോടതിയില്‍. ജസ്റ്റിസുമാരായ സൂര്യകാന്ത്, ഉജ്ജല്‍ ഭൂയാന്‍ എന്നിവരടങ്ങിയ ബെഞ്ചാണ് ഹരജി പരിഗണിക്കുക. ഡല്‍ഹി ഹൈക്കോടതിയുടെ ആഗസ്റ്റ് അഞ്ചിലെ വിധിയെ ചോദ്യം ചെയ്യുന്നതാണ് ഹരജി. 

സി.ബി.ഐയും ഇ.ഡിയും സംയുക്തമായി നടത്തിയ അന്വേഷണത്തില്‍ മുന്‍ ഉപമുഖ്യമന്ത്രി മനീഷ് സിസോദിയക്ക് സുപ്രീംകോടതി ജാമ്യം അനുവദിച്ചിരുന്നു. മനീഷ് സിസോദിയയെ വിട്ടയച്ച വിധി തനിക്കും ബാധകമാണെന്നും വിധിവന്ന് രണ്ട് ദിവസത്തിന് ശേഷം കെജ്‌രിവാള്‍ കോടതിയെ സമീപിച്ചത്. ദീര്‍ഘകാലം തടവില്‍ കഴിയുന്നത് മൗലികാവകാശങ്ങളുടെ ലംഘനമാണെന്നയാരുന്നു മനീഷ് സിസോദിയയുടെ കേസിലെ സുപ്രിംകോടതിയുടെ നിരീക്ഷണം . 

ലോക്‌സഭാ തെരഞ്ഞെടുപ്പിന്റെ പ്രചാരണത്തിനായി മെയില്‍ സുപ്രിം കോടതി അനുവദിച്ച 21 ദിവസത്തെ ഇടക്കാല ജാമ്യത്തിന് പുറമെ ഇ.ഡി അറസ്റ്റ് ചെയ്തതിനെ തുടര്‍ന്ന് മാര്‍ച്ച് 21 മുതല്‍ കെജ്‌രിവാള്‍ ജയിലില്‍ കഴിയുകയാണ്.