കോഴിക്കോട്: കോഴിക്കോട് നിന്ന് പുറപ്പെട്ട വിമാനം മുംബൈയിൽ എമർജൻസി ലാൻഡ് ചെയ്തു. മസ്കത്തിലേക്ക് പുറപ്പെട്ട എയർ ഇന്ത്യ എക്സ്‍പ്രസ് വിമാനമാണ് സാങ്കേതിക തകരാർ മൂലം മുംബൈയിൽ ഇറക്കിയത്. ഇന്നലെ രാത്രിയാണ് വിമാനം മുംബൈയിൽ ഇറക്കിയത്. 

ബുധനാഴ്ച രാത്രി 11 .10 നാണ് വിമാനം കോഴിക്കോട് വിമാനത്താവളത്തിൽ നിന്ന് പുറപ്പെട്ടത്. പിന്നാലെ യന്ത്രതകരാറുണ്ടെന്ന് പറഞ്ഞ് പുലർച്ചെ മൂന്നുമണിയോടെ മുംബൈയിൽ ഇറക്കുകയായിരുന്നു. സ്ത്രീകളും കുട്ടികളുമടക്കം നിരവധി പേരാണ് വിമാത്തിൽ ഉണ്ടായിരുന്നത്. എന്നാൽ സംഭവം നടന്ന് 10 മണിക്കൂറോളം ആയിട്ടും യാത്ര പുറപ്പെടാനാവാതെ കുടുങ്ങിയിരിക്കുകയാണ് യാത്രക്കാർ.

ഇന്ന് ഉച്ചയ്ക്ക് മുൻപ് പുറപ്പെടുമെന്ന് പറഞ്ഞ വിമാനം വീണ്ടും വൈകുമെന്ന് അറിയിച്ചതോടെ യാത്രക്കാർ പ്രതിഷേധവുമായി രംഗത്ത് വന്നിട്ടുണ്ട്. രാവിലെ 11 മണിക്ക് പുറപ്പെടുമെന്നായിരുന്നു ആദ്യത്തെ അറിയിപ്പ്. എന്നാൽ ഇപ്പോൾ ഉച്ചക്ക് ഒരുമണിയാകുമെന്നാണ് അറിയിപ്പ് ലഭിച്ചത്.