കൊച്ചി: ഹേമ കമ്മീഷന്‍ റിപ്പോര്‍ട്ട് പുറത്തു വിടരുതെന്ന് ആവശ്യപ്പെട്ട് നടി രഞ്ജിനി സമര്‍പ്പിച്ച അപ്പീല്‍ ഇന്ന് ഹൈക്കോടതിയുടെ ഡിവിഷന്‍ ബഞ്ച്  പരിഗണിക്കും. ആക്ടിങ് ചീഫ് ജസ്റ്റിസ് അടങ്ങിയ ഡിവിഷന്‍ ബഞ്ചാണ് അപ്പീല്‍ പരിഗണിക്കുക. ഹേമ കമ്മിറ്റി റിപ്പോര്‍ട്ട് പുറത്തു വിടണമെന്ന സിംഗിള്‍ ബഞ്ച് ഉത്തരവ് റദ്ദാക്കണമെന്നാണ് അപ്പീലില്‍ ആവശ്യപ്പെടുന്നത്. തന്റെ മൊഴി കൂടി അടങ്ങിയ റിപ്പോര്‍ട്ട് എങ്ങനെ പുറത്തുവിടുന്നു എന്ന ആശങ്ക ചൂണ്ടിക്കാട്ടിയാണ് നടി ഹൈക്കോടതിയില്‍ അപ്പീല്‍ നല്‍കിയത്.

റിപ്പോര്‍ട്ട് പുറത്തുവിടും മുന്‍പ് തന്നെ കൂടി കേള്‍ക്കണമെന്ന്് ഹരജിയില്‍ രഞ്ജിനി ആവശ്യപ്പെടുന്നു. പുറത്തുവിടുന്ന റിപ്പോര്‍ട്ടില്‍ സ്വകാര്യതാ ലംഘനമില്ലെന്ന് ഉറപ്പുവരുത്തുകയും, മൊഴി നല്‍കിയവര്‍ക്ക് റിപ്പോര്‍ട്ടിന്റെ പകര്‍പ്പ് ലഭ്യമാക്കി അവരെ കൂടി ബോധ്യപ്പെടുത്തണമെന്നും, മൊഴി നല്‍കിയവരുടെ സമ്മതമില്ലാതെ റിപ്പോര്‍ട്ട് പുറത്തുവിടരുതെന്നും നടി ആവശ്യപ്പെട്ടിട്ടുണ്ട്.

2019 ഡിസംബര്‍ 31നാണ് ഹേമാ കമ്മിറ്റി സംസ്ഥാന സര്‍ക്കാരിന് റിപ്പോര്‍ട്ട്  സമര്‍പ്പിക്കുന്നത്. കൊച്ചിയില്‍ നടി ആക്രമിക്കപ്പെട്ടതിന് പിന്നാലെയാണ് മലയാള സിനിമയിലെ സ്ത്രീകള്‍ അനുഭവിക്കുന്ന പ്രശ്‌നങ്ങളെക്കുറിച്ച് പഠിക്കാനാണ് ഹേമാ കമ്മിറ്റിയെ നിയോഗിച്ചത്. സിനിമാ മേഖലയില്‍ നേരിടുന്ന ചൂഷണങ്ങള്‍ ചൂണ്ടിക്കാട്ടിയുള്ള റിപ്പോര്‍ട്ടായിരുന്നു ഇത്

The High Court is set to consider actress Rajini's plea against the release of the Hema Commission report today. Stay tuned for updates on this developing story.