തിരുവനന്തപുരം: ഭിന്നശേഷിക്കാരായ കുട്ടികളെ വിദ്യാഭ്യാസപരമായി ഉന്നതിയിലേക്ക് നയിക്കുന്നതിന് കേരള സര്‍ക്കാര്‍ സാമൂഹ്യനീതി വകുപ്പ് 40 ശതമാനത്തില്‍ കൂടുതല്‍ ഭിന്നശേഷിയുള്ള (ആണ്‍/പെണ്‍) കുട്ടികള്‍ക്ക് പഠനോപകരണങ്ങള്‍ വാങ്ങാന്‍ ധനസഹായം നല്‍കുന്ന വിദ്യാജ്യോതി പദ്ധതിയിലേക്ക് ഇപ്പോള്‍ അപേക്ഷിക്കാം. 

ഒന്‍പതാം ക്ലാസ് മുതല്‍ ബിരുദാനന്തര ബിരുദം/പ്രൊഫഷണല്‍ കോഴ്‌സ് വരെ പഠിക്കുന്ന വിദ്യാര്‍ഥികള്‍ക്കാണ് അപേക്ഷിക്കാന്‍ അവസരം. suneethi.sjd.kerala.gov.in എന്ന വെബ്‌സൈറ്റ് മുഖേന ഓണ്‍ലൈനായാണ് അപേക്ഷ നല്‍കേണ്ടത്. 

അപേക്ഷകര്‍ സര്‍ക്കാര്‍/എയ്ഡഡ്/സര്‍ക്കാരിതര അംഗീകൃത സ്ഥാപനത്തിലെ വിഥ്യാര്‍ത്ഥിയായിരിക്കണം. വരുമാനപരിധി ബാധകമല്ല. ബില്ലുകളില്‍ വിദ്യാര്‍ഥികളുടെ പേര് രേഖപ്പെടുത്തണം. കൂടുതല്‍ വിവരങ്ങള്‍ക്കായി 0471 2343241 ഈ നമ്പറില്‍ ബന്ധപ്പെടുക.

Applications are now open for the Vidya Jyothi Scheme, a scholarship program supporting differently-abled children in their educational journey. Learn more and apply today