വീട്ടിലെ ഉപയോഗിക്കാതെ കിടക്കുന്ന വാഹനം പൊളിക്കാന്‍ പ്ലാനുണ്ടോ?... ഉത്സവ സീസണിന് മുന്നോടിയായി പൊളിക്കാന്‍ കൊടുക്കുന്ന പഴയ വാഹനങ്ങള്‍ക്ക് പകരം പുതിയ വാഹനങ്ങള്‍ വാങ്ങുമ്പോള്‍ കിഴിവ് നല്‍കും. 

സുരക്ഷിതവും കാര്യക്ഷമവുമായ വാഹനങ്ങളുടെ ഉപയോഗം പ്രോത്സാഹിപ്പിച്ച് സമ്പദ് വ്യവസ്ഥയെ ശക്തിപ്പെടുത്തുന്നതിന് ഇത് ഒരു സുപ്രധാന ചുവടുവെപ്പായി മാറുമെന്നാണ് കമ്പനികള്‍ പറയുന്നത്. കേന്ദ്ര ഉപരിതല ഗതാഗതമന്ത്രി നിതിന്‍ ഗഡ്കരിയുമായി വാഹന നിര്‍മ്മാതാക്കളുടെ പ്രതിനിധികള്‍ നടത്തിയ ചര്‍ച്ചയിലാണ് തീരുമാനം. വാഹന വ്യവസായത്തിലെ പ്രശ്‌നങ്ങള്‍ ചര്‍ച്ച ചെയ്യാനാണ് യോഗം കൂടിയത്.

വാണിജ്യ വാഹന നിര്‍മ്മാതാക്കള്‍ രണ്ട് വര്‍ഷത്തേക്കാണ് കിഴിവ് നല്‍കുക. യാത്രാ വാഹന നിര്‍മ്മാതാക്കള്‍ ഒരു വര്‍ഷത്തേക്കാണ് ഓഫര്‍ നല്‍കുക.