തിരുവനന്തപുരം: പി.വി അന്‍വര്‍ എം.എല്‍.എയുമായുള്ള ഫോണ്‍ സംഭാഷണ വിവാദത്തില്‍ പത്തനംതിട്ട എസ്.പി സുജിത്ദാസിനെ സസ്‌പെന്‍ഡ് ചെയ്തു. ഇതു സംബന്ധിച്ച ഉത്തരവ് ഉടന്‍ പുറത്തിറങ്ങും. 

തിരുവനന്തപുരം റേഞ്ച് ഐ.ജി സമര്‍പ്പിച്ച വകുപ്പുതല അന്വേഷണ റിപ്പോര്‍ട്ടിന്റെ അടിസ്ഥാനത്തിലാണ് നടപടി. റിപ്പോര്‍ട്ട് ഡി.ഐ.ജിക്കും തുടര്‍ന്ന് സര്‍ക്കാരിനും കൈമാറിയിരുന്നു.

തനിക്കെതിരേ നല്‍കിയ പരാതി പിന്‍വലിക്കണമെന്ന് പി.വി അന്‍വറിനോട് ആവശ്യപ്പെടുന്ന എസ്പി എസ്. സുജിത്ദാസിന്റെ ഫോണ്‍ സംഭാഷണം ഏറെ വിവാദങ്ങള്‍ക്ക് വഴിവെച്ചിരുന്നു.