തിരുവനന്തപുരം: കുടി വെള്ള പ്രതിസന്ധി രൂക്ഷമായ സാഹചര്യത്തില്‍ തിരുവനന്തപുരം നഗര പരിധിയിലെ സ്‌കൂളുകള്‍ക്ക് നാളെ അവധി. കഴിഞ്ഞ നാല് ദിവസമായി തലസ്ഥാനത്തെ താമസക്കാര്‍ കുടിവെള്ളത്തിനായി വലയുകയാണ്. പ്രതിസന്ധി പരിഹരിച്ച്  ഇന്ന് വൈകീട്ട് 4 മണിയോടെ പമ്പിങ് തുടങ്ങുമെന്നായിരുന്നു അധികൃതര്‍ അറിയിച്ചത്. എന്നാല്‍ പ്രതിസന്ധി ഇപ്പോഴും പരിഹരിച്ചിട്ടില്ല.

താഴ്ന്ന പ്രദേശങ്ങളിലെ കുടിവെളള വിതരണം പുനസ്ഥാപിക്കാനായെങ്കിലും ഉയര്‍ന്ന പ്രദേശങ്ങളില്‍ കുടിവെള്ള പ്രതിസന്ധി തുടരുകയാണ്. നഗരത്തിലെ തടസ്സപ്പെട്ട കുടിവെള്ള വിതരണം ഇന്ന് പുനരാരംഭിക്കുമെന്നായിരുന്നു ജനങ്ങളുടെ പ്രതീക്ഷ എന്നാല്‍ ഇന്ന് പുലര്‍ച്ചെ ഭാഗികമായി തുടങ്ങിയ പമ്പിങ് പിന്നീട് നിര്‍ത്തിവെച്ചു.

വാല്‍വില്‍ ലീക്ക് കണ്ടതിനെ തുടര്‍ന്നാണ് പമ്പിങ് നിര്‍ത്തിയത്. പൈപ്പിടല്‍ ജോലികളും പൂര്‍ത്തിയായിട്ടില്ല. താഴ്ന്ന പ്രദേശങ്ങളില്‍ ഉച്ചയ്ക്ക് മുന്‍പായി വെള്ളമെത്തിക്കുമെന്ന് മന്ത്രി വി ശിവന്‍കുട്ടി ഇന്നലെ ഉറപ്പ് നല്‍കിയിരുന്നു. വൈകുന്നേരത്തോടെ ഉയര്‍ന്ന പ്രദേശങ്ങളിലെയും കുടിവെള്ള വിതരണം പുനഃസ്ഥാപിക്കാനാകുമെന്നാണ് വാട്ടര്‍ അതോറിറ്റി അറിയിച്ചത്.

Due to the severe water scarcity, schools within the Thiruvananthapuram city limits will remain closed tomorrow, aiming to conserve water and mitigate the drinking water crisis.