ബെംഗളൂരു: ഓണത്തിന് നാട്ടില്‍ എത്താന്‍ കാത്തിരിക്കുന്ന മലയാളികള്‍ക്ക് ആശ്വാസമായി ഒരു സ്‌പെഷ്യല്‍ ട്രെയിന്‍ സര്‍വിസ് കൂടി. സെപ്തംബര്‍ 13ന് ഹുബ്ബള്ളിയില്‍ നിന്ന് കൊച്ചുവേളിയിലേക്കാണ് പ്രത്യേക ട്രെയിന്‍ സര്‍വിസ് നടത്തുക. റിസര്‍വേഷന്‍ ആരംഭിച്ചു.

വെള്ളിയാഴ്ച രാവിലെ 6.55ന് ഹുബ്ബള്ളിയില്‍ നിന്നും പുറപ്പെടുന്ന ട്രെയിന്‍ ഉച്ചയ്ക്ക് 2.10ന് ബെഗളൂരുവിലെത്തും. ശനിയാഴ്ച രാവിലെ 6.45നാണ് ട്രെയിന്‍ കൊച്ചുവേളിയിലെത്തുക. ട്രെയിന്‍ ശനിയാഴ്ച ഉച്ചയ്ക്ക് 12.50ന് തിരികെ കൊച്ചുവേളിയില്‍ നിന്ന് ഹുബ്ബള്ളിയിലേക്ക് യാത്ര തിരിക്കും. മറുനാടന്‍ മലയാളികളെ സംബന്ധിച്ച് ഓണക്കാലത്ത് നാട്ടിലേക്കുള്ള യാത്ര ഏറെ പ്രയാസകരമാണ്. ടിക്കറ്റുകളെല്ലാം മാസങ്ങള്‍ക്ക് മുന്‍പേ വിറ്റ് തീരുന്നതും, ഓണക്കാലത്ത് വിമാന ടിക്കറ്റ് നിരക്കും ഇരട്ടിയിലേറെ ആവുന്നതും, സ്വകാര്യ ബസ്സുകള്‍ ടിക്കറ്റിന് വലിയ തുക ഈടാക്കുന്നതും മറുനാടന്‍ മലയാളികള്‍ക്ക് വലിയ പ്രതിസന്ധിയാണ് ഉണ്ടാക്കുന്നത്. എന്തായാലും ഇത്തവണ ഓണത്തിന് പ്രത്യേക ട്രെയിന്‍ അനുവദിച്ചത് ബെംഗളൂരു മലയാളികളെ സംബന്ധിച്ച് വലിയ ആശ്വാസമാണ്.

"To alleviate the travel crisis, a special train has been arranged from Bengaluru to Kerala. Booking for the special train has commenced, offering a temporary reprieve to stranded passengers. Get the latest updates on travel arrangements and schedules."