തിരുവോണത്തിന് ഒരു ദിവസം മാത്രം ബാക്കി നില്‍ക്കെ, അവസാനവട്ട ആഘോഷത്തിനായുള്ള ഒരുക്കങ്ങളിലേക്ക് കടക്കുകയാണ് മലയാളികള്‍. തിരുവോണ സദ്യക്കുള്ള സാധനങ്ങളും ഓണക്കോടിയും പൂക്കളുമെല്ലാം വാങ്ങാനുള്ള അവസാന പകല്‍ ആയതിനാല്‍ നാടും നഗരവും ഇന്ന് ഉത്രാടപാച്ചിലിലാകും. വഴിയോര കച്ചവട കേന്ദ്രങ്ങള്‍ മുതല്‍ വന്‍ സൂപ്പര്‍ മാര്‍ക്കറ്റുകള്‍ വരെയുള്ള വിപണികളെല്ലാം ഉത്രാടപാച്ചിലിനായി സജീവമായിക്കഴിഞ്ഞിട്ടുണ്ട്.

ഒന്നാം ഓണമായി കണക്കാക്കുന്നത് ഉത്രാട ദിനമാണ്. ഉത്രാട ദിനത്തിലെ തിരക്ക് ഏറെ പ്രസിദ്ധമാണ്. ഓണത്തിനാവശ്യമായ സാധനങ്ങള്‍ വാങ്ങാനുള്ള അവസാന ദിവസാനമായതിനാലാണ് 'ഉത്രാടപ്പാച്ചില്‍' എന്ന ശൈലി ഉപയോഗിക്കുന്നത്. അത്തം ദിനത്തിലാരംഭിക്കുന്ന പൂക്കളമിടലില്‍ ഏറ്റവും വലിയ പൂക്കളമൊരുക്കുന്നതും ഉത്രാടം ദിനത്തിലാണ്. 

മാവേലി നാട് കാണാനിറങ്ങുന്ന ഓണം നാൾ വിപണികളിലും ഒരു ഉത്സവമാണ്. അത്തം നാളുകളിൽ തന്നെ ഓണത്തെ വരവേല്‍ക്കാന്‍ കച്ചവടക്കാര്‍ ഒരുങ്ങിയിട്ടുണ്ട്. സമ്പത്തിന്റെയും സമൃദ്ധിയുടേയും ഉത്സവമായ ഓണം തുണിത്തരങ്ങള്‍, പച്ചക്കറികള്‍, പൂക്കള്‍ തുടങ്ങിയ ഉല്‍പന്നങ്ങള്‍ വിപണനം ചെയ്യുന്നവര്‍ക്കും ഏറെ സാമ്പത്തിക നേട്ടമുണ്ടാക്കുന്ന ഒന്നാണ്.

Malayalis globally welcome the arrival of King Mahabali during Onam, a vibrant harvest festival. Explore the traditions, customs, and joy of Onam celebrations worldwide.