ഡല്‍ഹി: മെഡിക്കല്‍ കോളേജുകളിലെ എന്‍ആര്‍ഐ ക്വാട്ട വിദ്യാഭ്യാസ സംവിധാനത്തോട് കാണിക്കുന്ന തട്ടിപ്പാണെന്ന് സുപ്രീം കോടതി. ദോഷകരമായ പ്രത്യാഘാതമാണ് എന്‍ആര്‍ഐ ക്വാട്ട കൊണ്ട് ഉണ്ടാകുന്നതെന്നും ഇത് അവസാനിപ്പിക്കേണ്ടതാണെന്നും ചീഫ് ജസ്റ്റിസ് ഡി വൈ ചന്ദ്രചൂഡ് അധ്യക്ഷനായ ബെഞ്ച് അഭിപ്രായപെട്ടു. 

എന്‍ആര്‍ഐ ക്വാട്ടയില്‍ പ്രവേശനം ലഭിക്കുന്നവരേക്കാള്‍ മൂന്ന് ഇരട്ടി മാര്‍ക്ക് ഉള്ളവര്‍ക്ക് പോലും നിലവില്‍ അഡ്മിഷന്‍ ലഭിക്കുന്നില്ലെന്ന് ചീഫ് ജസ്റ്റിസ് ഡി.വൈ ചന്ദ്രചൂഡ് അധ്യക്ഷനായ ബെഞ്ച് നിരീക്ഷിച്ചു. മെഡിക്കല്‍ പ്രവേശനത്തിന് എന്‍ആര്‍ഐ ക്വാട്ട സംബന്ധിച്ച് പഞ്ചാബ് സര്‍ക്കാര്‍ കൊണ്ട് വന്ന പുതിയ വിജ്ഞാപനം പഞ്ചാബ്-ഹരിയാന ഹൈക്കോടതി റദ്ദാക്കിയിരുന്നു. 

എന്‍ആര്‍ഐ ക്വാട്ടയില്‍ വിദേശത്ത് ഉളള ഇന്ത്യക്കാരുടെ ബന്ധുക്കള്‍ക്കും പ്രവേശനം നല്‍കാം എന്നാണ് പുതിയ വിജ്ഞാപനത്തില്‍ പഞ്ചാബ് സര്‍ക്കാര്‍ വ്യക്തമാക്കിയിരുന്നത്. ഈ വിജ്ഞാപനമാണ് പഞ്ചാബ്-ഹരിയാന ഹൈക്കോടതി റദ്ദാക്കിയത്. ചീഫ് ജസ്റ്റിസ് ഡി.വൈ ചന്ദ്രചൂഡ് അധ്യക്ഷനായ ബെഞ്ച് ഹൈക്കോടതിയുടെ നടപടി പൂര്‍ണ്ണമായും ശരിയാണെന്ന് വ്യക്തമാക്കി.

 The Supreme Court has criticized the NRI quota system in medical colleges, labeling it as exploitation of the education system, sparking concerns over fairness and accessibility in medical education.