വണ്ടിത്താവളം: തമിഴ്‌നാട്ടില്‍ നിന്നും കടത്താന്‍ ശ്രമിച്ച രണ്ട് ഇറച്ചിക്കോഴി വണ്ടികള്‍ പുതുനഗരം പൊലിസ് പിടിച്ചു. സ്ഥിരം പരിശോധന നടത്തുമ്പോള്‍ കിട്ടിയ രഹസ്യ വിവരത്തിന്റെ അടിസ്ഥാനത്തില്‍ നടത്തിയ പരിശോധനയിലാണ് പിടിക്കപ്പെട്ടത്. പൊലിസ് പരിശോധന അറിഞ്ഞിട്ട് വഴിമാറി പോയി നികുതി വെട്ടിക്കാന്‍ ശ്രമിച്ച വണ്ടികളെ പിന്തുടര്‍ന്ന് പെരുവെമ്പ് ജങ്ഷനില്‍ പിടികൂടുകയാണുണ്ടായത്.
കോഴിയും വണ്ടിയും വാണിജ്യ നികുതി വകുപ്പിന് കൈമാറി. 44000 രൂപ പിഴ ചുമത്തി.
പുതുനഗരം എസ്.ഐ രതീഷ്, പൊലിസ് ഓഫിസര്‍മാരായ മുരളി, റിനാസ്, രഞ്ജിത്ത്, ശ്രീജിത്ത്, ഡ്രൈവര്‍ സതീഷ് എന്നിവരുടെ സംഘമാണ് പരിശോധന നടത്തിയത്.