പരപ്പനങ്ങാടി: ചിറമംഗലം സൗത്ത് മഹല്ലില്‍ ലീഡ് നോളജ് സെന്ററിന്റെ കീഴില്‍ പ്രവര്‍ത്തിക്കുന്ന ഐ.ഡി.എന്‍ ജൂനിയര്‍ കോളജില്‍  പ്രീ പ്രൈമറി ടീച്ചേഴ്‌സ് ട്രൈനിങ് കോഴ്‌സില്‍ നടത്തിയ പരീക്ഷയില്‍ ആദ്യ ബാച്ചില്‍ തന്നെ നൂറ് ശതമാനം വിജയം നേടിയ  പ്രതിഭകളെ ആദരിക്കല്‍ ഇന്ന് ഉച്ചയ്ക്ക് 2.30 ന് കോളജ് കാംപസില്‍ വെച്ച് നടക്കും. പാണക്കാട് സയ്യിദ് അബ്ബാസലി ശിഹാബ് തങ്ങള്‍ ഉദ്ഘാടനം ചെയ്യും. മുന്‍ വിദ്യാഭ്യാസ മന്ത്രി പി. കെ അബ്ദുറബ്ബ് എം.എല്‍.എ അവാര്‍ഡ് ദാനം നിര്‍വഹിക്കും കെ. സി മുഹമ്മദ് ബാഖവി മുഖ്യപ്രഭാഷണം നടത്തും. പി.എസ്.എച്ച് തങ്ങള്‍, നഗരസഭാ വൈസ് ചെയര്‍മാന്‍ എച്ച് ഹനീഫ, നൗഷാദ് ചെട്ടിപ്പടി, ശരീഫ് മാസ്റ്റര്‍ ചുഴലി പ്രസംഗിക്കും.