തിരുവനന്തപുരം: മുഖ്യമന്ത്രി പിണറായി വിജയന്റെ മലപ്പുറം പരാമര്‍ശത്തില്‍ വിശദീകരണം ആവശ്യപ്പെട്ട് ഗവര്‍ണര്‍ ആരിഫ് മുഹമ്മദ് ഖാന്‍. സംഭവത്തില്‍ ചീഫ് സെക്രട്ടറിയോടും, ഡിജിപിയോടും നേരിട്ടെത്തി വിശദീകരണം നല്‍കാനാണ് ആവശ്യം. നാളെ വൈകീട്ട് നാലുമണിക്ക് രാജ്ഭവനിലെത്തണമെന്നാണ് നിര്‍ദേശം. 

മലപ്പുറത്തെ സ്വര്‍ണ്ണക്കടത്ത്, ഹവാല കേസുകള്‍ വിശദീകരിക്കണമെന്നും, ഇതില്‍ ഉള്‍പ്പെട്ട ദേശവിരുദ്ധ ശക്തികള്‍ ആരെന്ന് വ്യക്തമാക്കണമെന്നും ഗവര്‍ണര്‍ അറിയിച്ചു. ഈ വിവരം അറിഞ്ഞിട്ടും എന്തുകൊണ്ട് അറിയിച്ചില്ലെന്നും ഗവര്‍ണര്‍ ചോദിച്ചു. ഇതോടൊപ്പം ഫോണ്‍ ചോര്‍ത്തല്‍ ആരോപണത്തിലും വിശദീകരണം നല്‍കാനാണ് നിര്‍ദേശം.

Governor seeks explanation on Chief Ministers Malappuram Remarks  The DGP and the Chief Secretary should come in person