മലപ്പുറം: പൊതുസ്ഥലത്തു മലമൂത്ര വിസര്‍ജനമില്ലാത്ത ഓപ്പണ്‍ ഡെഫിക്കേഷന്‍ ഫ്രീ (ഒ.ഡി.എഫ്) പദ്ധതിയുടെ ഭാഗമായി മലപ്പുറം ബ്ലോക്ക് പഞ്ചായത്തിനെ ആദ്യത്തെ സമ്പൂര്‍ണ ഒ.ഡി.എഫ് ആയി പ്രഖ്യാപിച്ചു. ബ്ലോക്ക് പഞ്ചായത്ത് കോണ്‍ഫറന്‍സ് ഹാളില്‍ നടന്ന ചടങ്ങില്‍  ജില്ലാ പഞ്ചായത്ത് പ്രസിഡന്റ് എ.പി ഉണ്ണികൃഷ്ണനാണ് പ്രഖ്യാപനം നടത്തിയത്.
വൈകാതെ ജില്ലയില്‍നിന്നു പ്ലാസ്റ്റിക് പൂര്‍ണമായി ഒഴിവാക്കുകയാണ് ലക്ഷ്യമെന്ന് അദ്ദേഹം പറഞ്ഞു. ബ്ലോക്ക് പ്രസിഡന്റ് സലീന ടീച്ചര്‍ അധ്യക്ഷയായി. വൈസ് പ്രസിഡന്റ് വി.എ റഹ്മാന്‍, സ്റ്റാന്‍ഡിങ് കമ്മിറ്റി ചെയര്‍പേഴ്‌സണ്‍മാരായ മൂസ കടമ്പോട്, നസീബ ടീച്ചര്‍, ആസ്യ, ഗ്രാമപഞ്ചായത്ത് പ്രസിഡന്റുമാരായ സുനീറ അഷ്‌റഫ്, ബീഫാത്തിമ, സുമയ്യ, മെമ്പര്‍മാര്‍,അങ്കണവാടി വര്‍ക്കര്‍മാര്‍, പഞ്ചായത്ത് പ്രതിനിധികള്‍ എന്നിവര്‍ പങ്കെടുത്തു.