പ്രവാസി കേരളീയരുടെയും തിരികെയെത്തിയ പ്രവാസികളുടെയും മക്കള്‍ക്ക് ഉന്നതവിദ്യാഭ്യാസത്തിന് സഹായധനം നല്‍കുന്ന നോര്‍ക്ക-റൂട്ട്‌സ് ഡയറക്ടേഴ്‌സ് സ്‌കോളര്‍ഷിപ്പിന് അപേക്ഷിക്കാം. രണ്ടുവര്‍ഷത്തിലധികമായി വിദേശത്ത് ജോലി ചെയ്യുന്ന വാര്‍ഷികവരുമാനം മൂന്നുലക്ഷം രൂപവരെയുള്ള പ്രവാസി കേരളീയരുടെയും മുന്‍പ്രവാസികളുടെയും മക്കള്‍ക്ക് അപേക്ഷിക്കാം. 

യോഗ്യത

ബിരുദാനന്തര ബിരുദ കോഴ്‌സുകള്‍ക്കും പ്രൊഫഷണല്‍ ഡിഗ്രി കോഴ്‌സുകള്‍ക്കും 2024-2025 അധ്യായന വര്‍ഷത്തിലെ ഒന്നാം വര്‍ഷ വിദ്യാര്‍ഥികളാകണം. പഠിക്കുന്ന കോഴ്‌സിനുവേണ്ട യോഗ്യതപരീക്ഷയില്‍ കുറഞ്ഞത് 60 ശതമാനം മാര്‍ക്ക് നേടിയിരിക്കണം. റെഗുലര്‍ കോഴ്‌സുകള്‍ക്കും കേരളത്തിലെ സര്‍വകലാശാലകള്‍ക്കും അംഗീകൃത വിദ്യാഭ്യാസ സ്ഥാപനങ്ങളില്‍ പഠിക്കുന്നവര്‍ക്ക് www.scholarship.norkaroots.org വഴി നവംബര്‍ 30നകം അപേക്ഷിക്കണം. 

വിവരങ്ങള്‍ക്ക് : 0471 2770528/ 2770543/ 2770500, നോര്‍ക്ക ഗ്ലോബല്‍ കോണ്‍ടാക്ട് സെന്ററിന്റെ ടോള്‍ ഫ്രീ നമ്പറായ 1800 425 3939 (ഇന്ത്യയില്‍ നിന്ന് ) + 91- 8802012 345 (വിദേശത്ത് നിന്ന്, മിസ്ഡ് കോള്‍ സര്‍വീസ്).

NORCA-ROOTS Directors Scholarship for children of non-resident Keralites Application by November 30