നെയ്യാറ്റിന്‍കര: പളളിച്ചല്‍ വില്ലേജ് ഓഫീസ് ഏതു നിമിഷവും നിലംപൊത്തുമെന്ന സ്ഥിതിയില്‍.
തലമുറകള്‍ പഴക്കമുളള വില്ലേജ് ഓഫിസിന്റെ ആരോഗ്യം വീണ്ടെടുക്കാന്‍ കഴിയാത്ത വിധം ക്ഷയിച്ചു കഴിഞ്ഞു. മഴ മാനത്തു കണ്ടാല്‍ വില്ലേജ് ഓഫിസറും ജീവനക്കാരും ഫയലുകള്‍ ന നയാതിരിക്കാന്‍ കുടപിടിക്കുന്നതും പ്ലാസ്റ്റിക് ഷീറ്റ് കൊണ്ട് മറ തീര്‍ക്കുന്നതും പതിവു കാഴ്ചയാണ്. മഴ തീരും വരെ ജീവനക്കാര്‍ക്ക് ജോലി ചെയ്യാനാകില്ല.
പകല്‍ സമയവും രാത്രിയിലും വില്ലേജ് ഓഫിസ് കെട്ടിടം മരപട്ടികളുടെ വിഹാര കേന്ദ്രമാണ്. പെരുച്ചാഴിയുടെയും എലികളുടെയും ശല്ല്യം വേറെയും. ഓഫിസിന്റെ ശോചനീയാവസ്ഥയെ കുറിച്ച് ഉന്നതാധികാരികള്‍ക്ക് പലപ്രാവിശ്യം പരാതി നല്‍കിയെങ്കിലും നടപടിയുണ്ടായില്ലെന്ന് നാട്ടുകാര്‍ പറയുന്നു.