മലപ്പുറം: സുന്നി യുവജന സംഘം ജില്ലാ ആമില സംഗമങ്ങള്‍ക്ക് രൂപമായി. നിലമ്പൂര്‍, വണ്ടൂര്‍, ഏറനാട്, മഞ്ചേരി, പെരിന്തല്‍മണ്ണ, മങ്കട, കൊണ്ടോട്ടി, മലപ്പുറം മണ്ഡലങ്ങളില്‍ നിന്ന് തെരഞ്ഞടുക്കപ്പെട്ട ആമില പ്രതിനിധികളുടെ സംഗമം ഒക്ടോബര്‍ ഏഴ്, എട്ട് തിയതികളില്‍ പട്ടിക്കാട് ജാമിഅ നൂരിയ്യയിലും പൊന്നാനി, തവനൂര്‍, തിരൂര്‍, താനൂര്‍, തിരൂരങ്ങാടി, വള്ളിക്കുന്ന്, വേങ്ങര, കോട്ടക്കല്‍ മണ്ഡലങ്ങളില്‍ നിന്നുള്ള പ്രതിനിധികളുടെ സംഗമം 30, ഒക്ടോബര്‍ 1 തിയതികളില്‍ കാടാമ്പുഴ ഗ്രെയ്‌സ് വാലിയിലും നടക്കും.
സംഗമത്തിന്റെ മുന്നോടിയായി ഇരുസ്ഥലങ്ങളിലും പ്രാദേശിക സ്വാഗതസംഘം രൂപീകരിക്കുന്നതിന് ജില്ലാ കമ്മിറ്റിയുടെ നേതൃത്വത്തില്‍ നേതൃസംഗമം നടക്കും.
നാളെ ഉച്ചക്ക്‌ശേഷം മൂന്നിന് പട്ടിക്കാട് ജാമിഅയില്‍ ചേരുന്ന സംഗമത്തില്‍ പെരിന്തല്‍മണ്ണ, മഞ്ചേരി മണ്ഡലത്തില്‍ നിന്നുള്ള ഭാരവാഹികളും പ്രമുഖ വ്യക്തികളും സംബന്ധിക്കും.
അഞ്ചിന് വൈകിട്ട് നാലിന് ഗ്രേസ് വാലിയില്‍ ചേരുന്ന സംഗമത്തില്‍ കോട്ടക്കല്‍, തിരൂര്‍ മണ്ഡലങ്ങളിലെ ഭാരവാഹികളും പ്രധാനികളും സംബന്ധിക്കും. സംഗമത്തില്‍ കെ.കെ.എസ് തങ്ങള്‍ വെട്ടിച്ചിറ, കെ.കെ.സി.എം തങ്ങള്‍, ഹംസ റഹ്മാനി കൊണ്ടിപ്പറമ്പ്, ഖാസിം ഫൈസി പോത്തനൂര്‍, കാടാമ്പുഴ മൂസ ഹാജി, ഷാഹുല്‍ ഹമീദ് മാസ്റ്റര്‍, പി.വി മുഹമ്മദ് മൗലവി, അബ്ദുല്‍ ഖാദിര്‍ ഫൈസി കുന്നുംപുറം, ശാഫി മാസ്റ്റര്‍ ആലത്തിയൂര്‍, റഹീം ചുഴലി, സി.എം കുട്ടി സഖാഫി, ഇബ്രാഹീം ഫൈസി തിരൂര്‍ക്കാട്, ഹസന്‍ സഖാഫി പൂക്കോട്ടൂര്‍ സംസാരിക്കും.