മീന്‍ കറിയാണേലും പച്ചക്കറിയാണേലും സാമ്പാറാണേലും നമ്മള്‍ മല്ലിയില ഉപയോഗിക്കാറുണ്ട്. അവസാനം മല്ലിയില ചേര്‍ത്തു കഴിഞ്ഞാണ് തീ ഓഫ് ചെയ്ത് കറിപാത്രം മൂടിവയ്ക്കുക. ഇതിനായി കടകളില്‍ നിന്ന്  നമ്മള്‍ കറിവേപ്പിലയും മല്ലിയിലയും ഒരുമിച്ചു വാങ്ങിവയ്ക്കും. കവര്‍ എടുത്ത് പിറ്റേ ദിവസം നോക്കുമ്പോള്‍ ഇതിനിടയില്‍ കിടന്ന് മല്ലിയില ചീഞ്ഞു പോയിട്ടുണ്ടാവും. ഇത് ഫ്രഷായി നില്‍ക്കാന്‍ എന്തൊക്കെ വഴികളുണ്ടെന്നു നോക്കാം. 

മല്ലിയില  കഴുകി വൃത്തിയാക്കി ഉണങ്ങാന്‍ വയ്ക്കുക. നന്നായി ഉണങ്ങണം.

ശേഷം ഇതൊരു വായുകടക്കാത്ത പാത്രത്തില്‍ ഇടുക.
ഇതിനുളളില്‍ ടിഷ്യൂപേപ്പര്‍ വച്ച് അതിനുമുകളില്‍ മല്ലിയില വച്ചതിനു ശേഷം അടയ്ക്കുക. എന്നിട്ട് ഫ്രിഡ്ജില്‍ വയ്ക്കുക.

ഏകദേശം ഒരു മാസത്തോളം കേടാവാതെ മല്ലിയില ഇരിക്കും.

മല്ലിയില കഴുകിവൃത്തിയാക്കി വേര് മുറിച്ചു മാറ്റുക. ശേഷം വിനാഗിരിയോ ഉപ്പോ ഇട്ട വെള്ളത്തില്‍ കുറച്ച് സമയം മുക്കിവയ്ക്കുക.

 

ഇനി ശുദ്ധമായ വെള്ളത്തില്‍ വീണ്ടും കഴുകി വെള്ളം വാരാന്‍ വയ്ക്കുക. 

ടിഷ്യൂപേപ്പറിലോ പത്രത്തിലോ പൊതിഞ്ഞ് വായുകടക്കാത്ത പാത്രത്തിലിട്ട് ഫ്രിഡ്ജില്‍ വയ്ക്കാം.