ന്യൂഡല്‍ഹി: പ്രതിപക്ഷനേതാവ് രാഹുല്‍ ഗാന്ധിക്കെതിരെ അവകാശലംഘന നോട്ടിസ് നല്‍കി ബി.ജെ.പി. അമിത് ഷായുടെ പ്രസംഗം വളച്ചൊടിച്ചുവെന്ന് ആരോപിച്ചാണ് നോട്ടിസ് നല്‍കിയിരിക്കുന്നത്. ഭരണഘടനാ ചര്‍ച്ചയില്‍ അമിത് ഷാ നടത്തിയ പ്രസംഗം സമൂഹമാധ്യമങ്ങളിലടക്കം വളച്ചൊടിച്ച് പ്രചരിപ്പിച്ചു എന്നാണ് ഭരണപക്ഷം ആരോപിക്കുന്നത്. ബി.ജെ.പി എംപി നിഷികാന്ത് ദുബെയാണ് സ്പീക്കര്‍ക്ക്  കത്ത് നല്‍കിത്. 

അമിത് ഷാ അംബേദ്കറെ അപാനിച്ചുവെന്ന് ആരോപിച്ച് കോണ്‍ഗ്രസ് അടക്കമുള്ള പ്രതിപക്ഷ പാര്‍ട്ടികള്‍ കഴിഞ്ഞ ദിവസം വലിയ പ്രതിഷേധം ഉയര്‍ത്തിയിരുന്നു. അംബേദ്കറെ അപമാനിച്ചത് സഭയില്‍ ചര്‍ച്ച ചെയ്യണമെന്ന് ആവശ്യപ്പെട്ട് കോണ്‍ഗ്രസ് അടിയന്തരപ്രമേയത്തിന് നോട്ടിസും നല്‍കി. ഇതിനെ പ്രതിരോധിക്കാന്‍ വേണ്ടിയാണ് ഇപ്പോള്‍ ബി.ജെ.പി രാഹുലിനെതിരെ അവകാശലംഘന നോട്ടിസുമായി രംഗത്തെത്തിയിരിക്കുന്നത്.

കഴിഞ്ഞ ദിവസം സഭാ വളപ്പില്‍ ഭരണപക്ഷവും പ്രതിപക്ഷവും തമ്മില്‍ ഏറ്റുമുട്ടിയിരുന്നു. ഇതിനിടെ ബി.ജെ.പി എം.പിയെ ആക്രമിച്ചുവെന്ന പരാതിയില്‍ രാഹുല്‍ ഗാന്ധിക്കെതിരെ പൊലിസ് കേസെടുക്കുകയും ചെയ്തിരുന്നു. പ്രകടനമായെത്തിയ പ്രതിപക്ഷ അംഗങ്ങള്‍ സഭയില്‍ പ്രവേശിക്കുന്നത് ബി.ജെ.പി എം.പിമാര്‍ തടഞ്ഞതാണ് ഉന്തിലും തള്ളിലും കലാശിച്ചത്. കോണ്‍ഗ്രസ് അധ്യക്ഷന്‍ ഖാര്‍ഗെയുടെ കാല്‍മുട്ടിന് പരുക്കേറ്റതായും പരാതിയുണ്ടായിരുന്നു.

The BJP has filed a notice against opposition leader Rahul Gandhi, accusing him of misrepresenting Amit Shah's speech during a debate on the Constitution.