കൊച്ചി/ കൊല്‍ക്കത്ത: കൊച്ചി സൈബര്‍ തട്ടിപ്പ് കേസിലെ മുഖ്യപ്രതി പിടിയില്‍. കൊല്‍ക്കത്ത സ്വദേശി ലിങ്കണ്‍ ബിശ്വാസിനെയാണ് കൊച്ചി സൈബര്‍ പൊലിസ് കൊല്‍ക്കത്തയില്‍വെച്ച് അറസ്റ്റ് ചെയ്തത്. ഡിജിറ്റല്‍ അറസ്റ്റ് ഭീഷണി മുഴക്കി കൊച്ചി സ്വദേശിനിയില്‍ നിന്ന് നാലരക്കോടി രൂപ തട്ടിയെടുത്തതുള്‍പ്പെടെ രാജ്യത്തെ വിവിധ കേസുകളില്‍ പ്രതിയാണിയാള്‍. മാത്രമല്ല സംഘപരിവാര്‍ സംഘടനായ യുവമോര്‍ച്ചയുടെ മണ്ഡലം പ്രസിഡന്റ് കൂടിയാണ് ഇയാളെന്ന് പൊലിസ് പറഞ്ഞു. 

കഴിഞ്ഞ 17നാണ് കൊച്ചി സൈബര്‍ പൊലിസ് കൊല്‍ക്കത്തയില്‍ എത്തിയത്. തുടര്‍ന്ന് നടത്തിയ അന്വേഷണത്തില്‍ ബംഗ്ലാദേശ് അതിര്‍ത്തിയാ കൃഷ്ണ ഗഞ്ചില്‍ നിന്നാണ് ഇയാളെ പിടികൂടിയത്. ലിങ്കണ്‍ ബിശ്വാസിന് കംബോഡിയയിലെ തട്ടിപ്പ് സംഘങ്ങളുമായി നേരിട്ട് ബന്ധമുണ്ടെന്നും കോടിക്കണക്കിന് രൂപയാണ് ഇയാള്‍ തട്ടിയെടുത്തതെന്നും പൊലിസ് കണ്ടെത്തി. ഇയാളെ ഉടന്‍തന്നെ കൊച്ചിയില്‍ എത്തിക്കും. അതിന് ശേഷം വിശദമായ അന്വേഷണം നടത്തുമെന്നും പൊലിസ് വ്യക്തമാക്കി. മറ്റു സംസ്ഥാനങ്ങളില്‍ റിപ്പോര്‍ട്ട് ചെയ്തിട്ടുള്ള തട്ടിപ്പ് കേസുകളിലും ഇയാള്‍ക്ക് പങ്കുണ്ടെന്നാണ് പൊലിസ് കരുതുന്നത്. 

നേരത്തെ കേരളത്തിലെ സൈബര്‍ തട്ടിപ്പുകള്‍ക്ക് പിന്നില്‍ കൊടുവള്ളി ഗ്യാങ്ങാണെന്ന് പൊലിസി കണ്ടെത്തിയിരുന്നു. ഇതിന്റെ അടിസ്ഥാനത്തില്‍ മൂന്ന് പേര അറസ്റ്റ് ചെയ്യുകയും ചെയ്തിട്ടുണ്ട്. ഇവരില്‍ നിന്നാണ് ലിങ്കണ്‍ ബിശ്വാസിനെ കുറിച്ച് വിവരം ലഭിക്കുന്നത്.

Kochi Cyber Fraud case police arrest Chief Accused Yuva Morcha Leader in bengal