ദുബൈ: പുതുവർഷപ്പുലരിയിൽ ദുബൈയിൽ പൊതുഗതാഗതം ഉപയോഗിച്ചത് 25 ലക്ഷം പേരെന്ന് കണക്കുകൾ. ഇതിൽ 11 ലക്ഷം യാത്രക്കാരും മെട്രോയിലാണ് യാത്ര ചെയ്തത്‌. മൊട്രോ, ബസ്, ടാക്‌സി, അബ്ര തുടങ്ങിയവയിലാണ് 25,02,474 പേർ യാത്ര ചെയ്ത് പുതുവർഷാഘോഷത്തിന്റെ ഭാഗമായത്.

ദുബൈ മെട്രോയുടെ റെഡ്, ഗ്രീൻ ലൈനുകളിലായി ആകെ 11,33,251 യാത്രക്കാരും ദുബൈ ട്രാമിൽ 55,391 പേരും യാത്ര ചെയ്തു. 4,65,779 പേർ പബ്ലിക് ട്രാൻസ്പോർട്ട് ബസുകൾ ഉപയോഗിച്ചു. മറൈൻ ട്രാൻസ്പോർട്ടിന് കീഴിലുള്ള ജലഗതാഗത സേവനങ്ങൾ 80,066 പേരും ടാക്സികൾ 571,098 യാത്രക്കാരും ഇ- ഹെയ‌ർ വാഹനങ്ങൾ 195,651 പേരും പ്രയോജനപ്പെടുത്തി.

പുതുവത്സരാഘോഷ വേദികളിലേക്കും തിരിച്ചുമുള്ള യാത്ര സുഗമമായിരുന്നുവെന്ന് റോഡ്‌സ് ആൻഡ് ട്രാൻസ്പോർട്ട് അതോറിറ്റി വ്യക്തമാക്കി.

On New Year's Eve, a whopping 2.1 million people used public and shared transport in Dubai, marking a 33% rise from last year's numbers.