തിരുവനന്തപുരം: സ്‌കൂള്‍ സമയത്ത് ഓണാഘോഷം വേണ്ടെന്ന ഹയര്‍സെക്കണ്ടറി ഡയരക്ടറുടെ സര്‍ക്കുലര്‍ വിദ്യാഭ്യാസ മന്ത്രിയുടെ ഇടപെടലിനെത്തുടര്‍ന്ന് പിന്‍വലിച്ചു. ജോലിക്കിടയില്‍ ഓണാഘോഷം വേണ്ടെന്ന മുഖ്യമന്ത്രി പിണറായി വിജയന്റെ നിര്‍ദേശത്തിനു പിന്നാലെയാണ് സ്‌കൂള്‍ സമയത്തും ഓണാഘോഷം ഒഴിവാക്കണമെന്നാവശ്യപ്പെട്ട് സര്‍ക്കുലര്‍ ഇറങ്ങിയത്.

സാധാരണ ഗതിയില്‍ ഓണാവധിക്കു മുന്‍പത്തെ ഒരു ദിവസം മുഴുവന്‍ വിവിധ ഓണാഘോഷ പരിപാടികള്‍ക്കായി മാറ്റിവെക്കുന്ന രീതിയാണുള്ളത്. ഇത് യാതൊരു കാരണവാശാലും അംഗീകരിക്കില്ലെന്നും ഒരു പ്രവൃത്തി ദിനം മുഴുവന്‍ ആഘോഷ പരിപാടികള്‍ക്കായി മാറ്റിവെക്കാന്‍ പാടില്ലെന്നും സര്‍ക്കുലറില്‍ പറഞ്ഞിരുന്നു.