മെൽബണിൽ നിന്ന് അബൂദബിയിലെ സായിദ് ഇൻ്റർനാഷണൽ എയർപോർട്ടിലേക്ക് ടേക്ക് ഓഫ് ചെയ്യാനിരുന്ന EY461 787-9 ഡ്രീംലൈനർ എത്തിഹാദ് വിമാനത്തിന്റെ ടയറുകൾ പൊട്ടിത്തെറിച്ചതിനെതുടർന്ന് ടേക്ക് ഓഫ് ചെയ്യാനായില്ല. 270 ലധികം യാത്രക്കാരാണ് വിമാനത്തിൽ ഉണ്ടായിരുന്നത്. ടേക്ക് ഓഫിനായി വിമാനത്തിന്റെ സ്പീഡ് കൂട്ടി വന്നപ്പോൾ ടയറുകളുടെ സാങ്കേതികതകരാർ ശ്രദ്ധയിൽപ്പെട്ടതിനെതുടർന്ന് എമർജൻസി ടേക്ക് ഓഫ് റിജക്ഷൻ ആവശ്യപ്പെടുകയായിരുന്നു.

മുൻകരുതൽ നടപടിയെന്ന നിലക്ക് അത്യാഹിത വിഭാഗങ്ങൾ സ്ഥലത്തെത്തിയിരുന്നു. അഗ്നിശമന സേന വിമാനത്തിൻ്റെ ലാൻഡിംഗ് ഗിയറിലെ ടയറുകളിലെ തീയണച്ചു. ഉയർന്ന വേഗതയിൽ പോയി പിന്നീട് ടേക്ക് ഓഫ് നിരസികുന്നതിനെ തുടർന്നുള്ള ഒരു സാധാരണ നടപടിക്രമമാണിത്. ഓൺലൈനിൽ പങ്കിട്ട ചില വീഡിയോകളിൽ വിമാനത്തിൽ നിന്ന് പുക ഉയരുന്നതായി കാണാൻ സാധിച്ചിരുന്നു. പിന്നീട് വിമാനത്തിന്റെ രണ്ട് ടയറുകൾ പൊട്ടിത്തെറിച്ചതായി എയർലൈൻ വ്യക്തമാക്കി, അതേസമയം വിമാനത്തിന് തീപിടിച്ചിട്ടില്ലെന്ന് എയർലൈൻ സ്ഥിരീകരിച്ചു.

വിമാനത്തിലുണ്ടായിരുന്ന എല്ലാ യാത്രക്കാരെയും ജീവനക്കാരെയും പരിക്കുകളൊന്നുമില്ലാതെ സുരക്ഷിതമായി ഇറക്കി. കഴിയുന്നത്ര വേഗത്തിൽ യാത്ര തുടരുന്നതിന് അവരെ സഹായിക്കാൻ തങ്ങളുടെ ടീമുകൾ പ്രവർത്തിക്കുന്നുണ്ടെന്ന് എയർലൈൻ വ്യക്തമാക്കി. യാത്രക്കാരുടെയും ജീവനക്കാരുടെയും സുരക്ഷയും സൗകര്യവും തങ്ങൾ മുൻഗണന നൽകുന്ന വിഷയമാണെന്ന് എത്തിഹാദ് എയർവേസ് വ്യക്തമാക്കി.

An Etihad Airways flight from Abu Dhabi to Melbourne experienced a tire blowout upon landing, but fortunately, no passengers or crew were injured.