ഉറക്കം കുറവുളളവരായി പല ആളുകളുമുണ്ട്. ഉറക്കമില്ലായ്മ പലതരത്തിലുള്ള ആരോഗ്യപ്രശ്‌നങ്ങളിലേക്കും നമ്മെ തള്ളിവിട്ടേക്കാവുന്നതുമാണ്. ഒപ്പം ക്ഷീണവും ദഹനപ്രശ്‌നങ്ങളും ശ്രദ്ധക്കുറവും തലവേദനയും പിന്നെ പറയണ്ട, ആ ദിവസം മുഴുവനും നമുക്ക് മരവിപ്പാവും.  മാറിമാറിവരുന്ന ഈ മാനസികാവസ്ഥയില്‍ നമുക്ക് സങ്കടവും വിഷമവുമൊക്കെ വരുകയും ചെയ്യും.

 ശാരീരിക-മാനസിക പ്രശ്‌നങ്ങള്‍ കൊണ്ടും ഉറക്കക്കുറവ് അനുഭവപ്പെടാവുന്നതാണ്. ആസ്തമ, ഹോര്‍മോണ്‍ തകരാറുകള്‍ എന്നിവയൊക്കെ ഉറക്കക്കുറവിന് കാരണമാവാം. മാത്രമല്ല, അമിതമായ സമ്മര്‍ദ്ദവും വിഷാദവും ഉത്കണ്ഠ പോലുള്ള മാനസികാവസ്ഥകളും പലരിലും ഉറക്കക്കുറവിന് കാരണമാവാറുണ്ട്.

ഉറക്കക്കുറവ് പരിഹരിക്കാനായി ചില കാര്യങ്ങള്‍ നമ്മള്‍ ശ്രദ്ധിക്കേണ്ടതുണ്ട്. കൃത്യമായ ദിനചര്യ പിന്തുടരുകയും നിത്യജീവിതത്തിലെ കാര്യങ്ങള്‍ അടുക്കോടെ ചിട്ടയോടെ ചെയ്യാന്‍ ശ്രമിക്കുകയും വേണം. തീരെ ഉറക്കമില്ലാത്തവരാണെങ്കില്‍ ഒരു ഡോക്ടറെ കണ്ട് ചികിത്സാരീതികള്‍ സ്വീകരിക്കുന്നതാണ് നല്ലത്.

 ദിവസവും അര മണിക്കൂറെങ്കിലും വ്യായാമം ചെയ്യുന്നത് നിര്‍ബന്ധമായും ശീലമാക്കുക. കഴിയുന്നതും ഉറങ്ങുന്നതിനു അഞ്ചോ ആറോ മണിക്കൂര്‍ മുന്‍പായി വ്യായാമം ചെയ്യുന്നതായിരിക്കും നല്ലത്. രാത്രി ഭക്ഷണം കഴിക്കുമ്പോള്‍ ലഘുവായും ധാരാളം പ്രോട്ടീന്‍ അടങ്ങിയതുമായ ഭക്ഷണമാണ് കഴിക്കേണ്ടത്. 

ഉറക്കപ്രശ്‌നങ്ങള്‍ പരിഹരിക്കാന്‍ എണ്ണ തേച്ചുകുളിക്കുന്നത് വളരെ ഗുണം ചെയ്യും. എന്നാല്‍ തിരക്കുള്ള നമ്മുടെ ജീവിത രീതിയില്‍ പലരെ സംബന്ധിച്ചും നിത്യേനയുള്ള എണ്ണ തേച്ചുകുളി ബുദ്ധിമുട്ടുമാണ്. എന്നാല്‍ എല്ലാദിവസവും  എണ്ണ ഉപയോഗിച്ച് ഉള്ളം കാലില്‍ ചെറുതായി മസാജ് ചെയ്യുന്നത് പതിവാക്കാന്‍ എല്ലാവര്‍ക്കും സമയം കിട്ടുന്നതാണ്.

ഉറങ്ങുന്നതിന് ഒരു മണിക്കൂര്‍ മുന്‍പ് ഇങ്ങനെ ചെയ്താല്‍ നന്നായി ഉറങ്ങാനും കഴിയും. ഉറങ്ങാനും ഒരു കൃത്യത വയ്ക്കുക. എല്ലാ ദിവസവും ഒരേ സമയത്ത് തന്നെ ഉറങ്ങാന്‍ ശ്രമിക്കുക. മാത്രമല്ല, കിടക്കുന്നതിനു ഒരു മണിക്കൂര്‍ മുന്‍പു തന്നെ മൊബൈലും  ലാപ്‌ടോപ്പും ടിവി പോലുള്ള ഡിജിറ്റല്‍ ഉപകരണങ്ങളുമെല്ലാം മാറ്റിവയ്ക്കാന്‍ മറക്കാതിരിക്കുക. ഇവയെല്ലാം ഉറക്കത്തില്‍ നിന്നും ശ്രദ്ധ തിരിക്കുന്നവയാണ്. 

Many people suffer from sleep deprivation, which can lead to various health issues. Lack of sleep can cause fatigue, digestive problems, difficulty concentrating, headaches, and an overall feeling of exhaustion throughout the day. This fluctuating mental state can also bring about feelings of distress and frustration.