തിരുപ്പതി: തിരുപ്പതി ക്ഷേത്രത്തിലെ അപകടത്തിൽ ജുഡീഷ്യൽ അന്വേഷണം പ്രഖ്യാപിച്ച്‌ ആന്ധ്രാ സർക്കാർ. തിരുപ്പതി തിരുമല ദേവസ്വം ഭാരവാഹികളെ അന്വേഷണ വിധേയമായി സസ്‌പെൻഡ് ചെയ്തിട്ടുണ്ട്. അപകടത്തിനിരയായവരുടെ ആശ്രിതർക്ക് സർക്കാർ 25 ലക്ഷം വീതം ധനസഹായവും പ്രഖ്യാപിച്ചിട്ടുണ്ട്.

തിരുപ്പതി ക്ഷേത്രത്തില്‍ ബുധനാഴ്ച വൈകീട്ടോടെയായിരുന്നു സംഭവം. വൈകുണ്ഠ ദ്വാര ദര്‍ശനത്തിന് എത്തിയവരായിരുന്നു അപകടത്തില്‍പ്പെട്ടത്. അപകടത്തിൽ ആറ് പേരാണ് മരിച്ചത്. പാലക്കാട് വണ്ണാമല വെള്ളാരംകല്‍മേട് സ്വദേശിനി നിര്‍മലയും മരിച്ചവരിൽ ഉൾപ്പെടുന്നു. ആയിരക്കണക്കിന് ഭക്തരാണ് രാവിലെ മുതല്‍ തിരുപ്പതിയിലെ വിവിധ കേന്ദ്രങ്ങളില്‍ ടിക്കറ്റിനായി തടിച്ചുകൂടിയിരുന്നത്. വൈകുന്നേരം പ്രവേശനം അനുവദിച്ചയുടന്‍ ഭക്തര്‍ തിക്കി, തിരക്കി അകത്തേക്ക് കയറുകയായിരുന്നു.

തിരുപ്പതി വിഷ്ണു നിവാസം ഭാഗത്ത് നിലത്ത് വീണുപോയവരാണ് മരണപ്പെട്ടത്. തിരക്കില്‍ നിരവധി ഭക്തര്‍ക്കാണ്  ശ്വാസതടസം അനുഭവപ്പെട്ടത്. പൊലിസും ക്ഷേത്ര സമിതിയും തിരക്ക് നിയന്ത്രിക്കുന്നതില്‍ പരാജയപ്പെട്ടുവെന്നാണ് ഭക്തർ ആരോപിക്കുന്നത്. പരുക്കേറ്റവരെ അടുത്തുളള ആശുപത്രികളില്‍ എത്തിച്ചു. എല്ലാവര്‍ക്കും മികച്ച ചികിത്സ ലഭ്യമാക്കാന്‍ മുഖ്യമന്ത്രി ചന്ദ്രബാബു നായിഡു നിര്‍ദേശം നല്‍കിയിരുന്നു.

The Andhra Pradesh government has announced a judicial inquiry into the recent accident at the Tirupati temple.