മസ്കറ്റ്: ഒമാനിൽ അനുകൂലമായ കാലാവസ്ഥ എത്തിയതോടെ ക്യാമ്പിങ്ങുകൾ വളരെയധികം സജീവമായി. അവധി ദിവസങ്ങളിൽ സ്വദേശികളും വിദേശികളും അടക്കം ധാരാളം ആളുകളാണ് മലമുകളിൽ ടെന്റുകൾ കെട്ടാൻ എത്തിയത്. മസ്‌കറ്റിലെ വി​വി​ധ ഗ​വ​ർ​ണ​റേ​റ്റു​ക​ളി​ലെ ബീ​ച്ചി​നോ​ട്​ ചേർന്നുള്ള സ്ഥലങ്ങളിലേക്കാണ് കൂടുതൽ ആളുകളും ടെന്റുകൾ ഒരുക്കാനായി പോവുന്നത്. ജ​ബ​ൽ അ​ഖ്​​ദ​ർ, ജ​ബ​ൽ ശം​സ്​ തുടങ്ങിയ സ്ഥലങ്ങളിലേക്കാണ് പ്രധാനമായും ആളുകൾ എത്തുന്നത്. 

ഇവിടെ എത്തുന്നവർ രാത്രി മലമുകളിൽ നിന്നും ക്യാമ്പ് ഫെയറിൽ പങ്കെടുത്തുകൊണ്ട് ഇവിടെ നിന്നും ഭക്ഷണം പാകം ചെയ്ത് അതിരാവിലെയുള്ള കാഴ്ചകളും കണ്ടാണ് മടങ്ങുക. ടെന്റ് നിർമ്മിക്കുന്നതിനുള്ള സാധനങ്ങൾ വാങ്ങുന്നതിനായി ധാരാളം ആളുകൾ സൂപ്പർ മാർക്കറ്റുകളിൽ എത്തുന്നുണ്ട്. 

ഈ ക്യാമ്പിങ്ങിനായി എത്തുന്നവർക്ക് മുൻസിപ്പാലിറ്റി ചില മാർഗ നിർദ്ദേശങ്ങൾ നൽകിയിട്ടുണ്ട്. പ്രദേശങ്ങളിൽ രണ്ട് ദിവസത്തിൽ കൂടുതലുള്ള ക്യാമ്പുകൾ അനുവദിക്കില്ല. ഇത് ടെന്റുകൾക്കും ബാധകമാണ്. മുൻസിപ്പാലിറ്റി അനുവദിക്കുന്ന സ്ഥലങ്ങളിൽ മാത്രമേ ക്യാമ്പുകൾ നടത്താൻ പാടുകയുള്ളൂ. മാത്രമല്ല ക്യാമ്പ് സൈറ്റുകൾ തമ്മിൽ അഞ്ചു മീറ്ററാകാലം പാലിക്കണം. കൂടാതെ മൽസ്യബന്ധനക്കാരുടെയും സുരക്ഷാ ഉദ്യോഗസ്ഥർ വിലക്കേർപ്പെടുത്തിയ സ്ഥലങ്ങളിലും ക്യാമ്പുകൾ നടത്താൻ പാടില്ല. ലൈസൻസ് ഇല്ലാതെ ക്യാമ്പ് നടത്തിയാൽ 200 റി​യാ​ൽ പിഴയും ചുമത്തും.

കഴിഞ്ഞ കുറച്ചു ദിവസങ്ങളിലായി രാജ്യത്തെ ഉൾപ്രദേശങ്ങളിൽ ശക്തമായ തണുപ്പ് നിലനിന്നിരുന്നു. കഴിഞ്ഞ വർഷത്തെ അപേക്ഷിച്ച് നോക്കുകയാണെങ്കിൽ ഇത്തവണ ഒമാനിൽ തണുപ്പ് കൂടുതലാണ്. പല സ്ഥലങ്ങളിലും ഒരു ഡിഗ്രിക്ക് താഴെയാണ് താപനില രേഖപ്പെടുത്തിയിട്ടുള്ളത്.