ജനുവരി 20 മുതൽ റാസൽഖൈമയിൽ കണ്ടുകെട്ടിയ വാഹനങ്ങൾ ഉടമയുടെ വീട്ടിൽ തന്നെ "സ്മാർട്ട് ഹോം വെഹിക്കിൾ ഇംപൗണ്ട്മെൻ്റ് സിസ്റ്റം" വഴി സൂക്ഷിക്കാൻ സാധിക്കുമെന്ന് പൊലിസ് അറിയിച്ചു.

കണ്ടുകെട്ടിയ വാഹനങ്ങൾ വാഹന ഉടമകൾക്ക് അവരുടെ നേരിട്ടുള്ള മേൽനോട്ടത്തിൽ തന്നെ പാർക്ക് ചെയ്യുന്നതിന് അനുയോജ്യമായ സ്ഥലം തിരഞ്ഞെടുക്കാൻ അനുവദിക്കുന്ന സംവിധാനം സജീവമാക്കുമെന്ന് റാസൽഖൈമ പൊലിസ് കമാൻഡർ-ഇൻ- ചീഫ് മേജർ ജനറൽ അലി അബ്ദുല്ല ബിൻ അൽവാൻ അൽ നുഐമി അറിയിച്ചു. നേരത്തെ പൊലിസിന്റെ യാർഡിലായിരുന്നു കണ്ടുകെട്ടിയ വാഹനങ്ങൾ സുക്ഷിച്ചിരുന്നത്. ഫീസ് അല്ലെങ്കിൽ പിഴതുക അടച്ചാൽ വാഹനങ്ങൾ തിരികെ നൽകുന്ന സംവിധാനമായിരുന്നു ഉണ്ടായിരുന്നത്.

അതേസമയം, ജനുവരി 20 മുതൽ  നിയമലംഘനം നടത്തി കണ്ടുകെട്ടിയ വാഹനങ്ങൾ ഉടമയ്ക്ക് വീട്ടിൽ അല്ലെങ്കിൽ കസ്റ്റഡിയിൽ വാഹനത്തിന് ഒരു ഇലക്ട്രോണിക് സ്മാർട്ട് ലോക്ക് നിരീക്ഷണത്തിൻ്റെ ഉറപ്പോടെ സൂക്ഷിക്കാം.

അതേസമയം, ഇത്തരത്തിൽ ഉടമയുടെ കസ്റ്റഡിയിൽ സുക്ഷിക്കുന്ന വാഹനത്തിന്റെ എല്ലാം പ്രവർത്തനങ്ങളും നിരീക്ഷിക്കാൻ പൊലിസിന് സാധിക്കും. വാഹനം തിരിച്ചെടുക്കാനുള്ള പിഴത്തുക അടക്കുന്നതുവരെയുള്ള കാലയളവിൽ വാഹനത്തിന്റെ ദീർഘകാല പാർക്കിങ്ങിനാൽ ഉണ്ടാകുന്ന കേടുപാടുകളിൽ നിന്ന് സുരക്ഷ നിലനിർത്താനും വാഹനങ്ങൾ ശ്രദ്ധിക്കാനും ഇടയ്ക്കിടെ എഞ്ചിൻ പ്രവർത്തിപ്പിക്കാനും ഈ സേവനം ഉടമയെ അനുവദിക്കുന്നുവെന്ന് മേജർ ജനറൽ അൽ നുഐമി വ്യക്തമാക്കി.

Ras Al Khaimah has launched a "Smart Home Vehicle Impoundment System" starting January 20, allowing authorities to immobilize and store impounded vehicles at the owner's residence.