ചൈനീസ് വാഹന ബ്രാൻഡായ ബിവൈഡി ഇന്ത്യ ഇന്ത്യയിലെ ഇലക്ട്രിക് വാഹന വിപണിയിൽ പുതിയ വിപ്ലവം തീർക്കുന്നു. ഭാരത് മൊബിലിറ്റി ഗ്ലോബൽ എക്സ്പോ 2025 ൽ കമ്പനി സീലിയൻ 7 പ്യുവർ പെർഫോമൻസ് ഇഎസ്‍യുവി അവതരിപ്പിച്ചിരിക്കുന്നത്. ഈ ഫുൾ ഇലക്ട്രിക് എസ്‌യുവിയുടെ ബുക്കിംഗും കമ്പനി ആരംഭിച്ചു. ഇതിൻ്റെ പരിധി 567 കിലോമീറ്ററാണ്.ഈ കാറിന്‍റെ സവിശേഷതകൾ വിശദമായി മനസിലാക്കാം. 

ബിവൈഡി സീലിയൻ 7 ഒരു ഇലക്ട്രിക് എസ്‌യുവിയാണ്. കമ്പനിയുടെ ഇൻ്റലിജൻസ് ടോർക്ക് അഡാപ്റ്റേഷൻ കൺട്രോൾ (ഐടിഎസി), സിടിബി (സെൽ ടു ബോഡി) സാങ്കേതികവിദ്യയാണ് ഈ എസ്‌യുവിയിൽ ഉപയോഗിച്ചിരിക്കുന്നത്. ഈ സാങ്കേതികവിദ്യ ബിവൈഡിയുടെ ബ്ലേഡ് ബാറ്ററിയെ വാഹന ചേസിസിൻ്റെ ഒരു പ്രധാന ഭാഗമാക്കി മാറ്റുന്നു, സുരക്ഷയും പ്രകടനവും ക്യാബിൻ സ്ഥലവും മെച്ചപ്പെടുത്തുന്നു.

82.56 kWh ബാറ്ററി പാക്കാണ് ബിവൈഡി സീലിയൻ 7 ന് ഉള്ളത്. രണ്ട് വേരിയൻ്റുകളിലായാണ് ഇത് അവതരിപ്പിച്ചിട്ടുള്ളത്. ഇതിൽ പ്രീമിയം വേരിയൻ്റ്:567 കി.മീ. റേഞ്ച് (230 kW പവറും 380 Nm ടോർക്കും) നൽകുന്നുണ്ട്. പെർഫോമൻസ് വേരിയൻ്റ്:542 കി.മീ റേഞ്ച് (390kW ശക്തിയും 690 Nm ടോർക്കും) നൽകുന്നു.  പെർഫോമൻസ് വേരിയൻ്റിന് 0-100 കി.മീ/മണിക്കൂർ വേഗത കൈവരിക്കാൻ വെറും 4.5 സെക്കൻഡ് മതിയാവും, പ്രീമിയം വേരിയൻ്റിന് 6.7 സെക്കൻഡ് മാത്രം മതി.

ലോകപ്രശസ്ത ഡിസൈനർ വുൾഫ്ഗാങ് എഗ്ഗർ ആണ് ബിവൈഡി സീലിയൻ 7 രൂപകൽപന ചെയ്തിരിക്കുന്നത്. ഇതിന് ഒരു എയറോഡൈനാമിക് പ്രൊഫൈൽ, ഓഷ്യൻ എക്സ് ഫ്രണ്ട് സ്റ്റൈലിംഗ്, സ്ലീക്ക് ഫ്ലോയിംഗ് ലൈനുകൾ എന്നിവയും ലഭ്യമാണ്. 15.6 ഇഞ്ച് റൊട്ടേറ്റിംഗ് ടച്ച്‌സ്‌ക്രീൻ, നാപ്പ ലെതർ സീറ്റുകൾ, 128 കളർ ആംബിയൻ്റ് ലൈറ്റിംഗ് തുടങ്ങിയ സവിശേഷതകൾ ഉൾപ്പെടുന്നതാണ് ബിവൈഡി സീലിയൻ 7ൻ്റെ ഇൻ്റീരിയർ. ഈ പനോരമിക് ഗ്ലാസ് റൂഫിൽ ഇലക്ട്രിക് സൺഷേഡുണ്ട്. ഇതിൽ ലഭ്യമായ 12 ഡിൻ ഓഡിയോ സ്പീക്കറുകൾ മികച്ച ഓഡിയോ അനുഭവമാണ് നൽക്കുക. ഇതുകൂടാതെ, 50W വയർലെസ് ചാർജറും വെൻ്റിലേറ്റഡ് സീറ്റുകളും ഇതിനെ കൂടുതൽ സുഖകരമാക്കുന്നു.

ഒരു പവർ സ്റ്റേഷനായി സീലിയൻ 7 ഉപയോഗിച്ച് ഏത് ഇലക്ട്രോണിക് ഉപകരണവും ചാർജ് ചെയ്യാൻ സാധിക്കും. സ്മാർട്ട് ടെയിൽഗേറ്റ് എന്ന ബുദ്ധിപരമായ സവിശേഷത ഉപയോക്താക്കൾക്ക് കൂടുതൽ സൗകര്യപ്രദമാണ്.സനൂതന സുരക്ഷാ ഫീച്ചറുകൾക്കൊപ്പം 8 വർഷത്തെ ബാറ്ററി വാറൻ്റിയും ഈ കാറിന് ഓഫർ ചെയ്യുന്നു. ബിവൈഡി സീലിയൻ 7 ൻ്റെ ബുക്കിംഗ് 2025 ജനുവരി 18 മുതൽ ആരംഭിച്ചു. ഇതിൻ്റെ ബുക്കിംഗ് തുക 70,000 രൂപയാണ്. ഇതിൽ നിങ്ങൾക്ക് സൗജന്യമായി ഇൻസ്റ്റാളേഷനോട് കൂടി 7kW ചാർജർ ലഭ്യമാകും. ഇതിന് ഏഴ് വർഷം/1,50,000 കിലോമീറ്റർ വാറൻ്റിയുണ്ട്. പ്രധാന ലോ വോൾട്ടേജ് ബാറ്ററി വാറൻ്റി ലഭ്യമാണ്. ആദ്യത്തെ 70 ഉപഭോക്താക്കൾക്ക് നേരത്തെ ഡെലിവറി ലഭിക്കുന്നതാണ്.