ചിറ്റൂര്‍: സി.പി.എം പാലക്കാട് ജില്ലാ സെക്രട്ടറിയായി ഇ.എന്‍ സുരേഷ്ബാബു തുടരും. സമ്മേളനം ഐകകണ്ഠമായാണ് സുരേഷ്ബാബുവിനെ തന്നെ തെരഞ്ഞെടുത്തത്.  

നിലവില്‍ സി.ഐ.ടി.യു ജില്ലാ വൈസ് പ്രസിഡന്റ്, മലബാര്‍ സിമന്റ്‌സ് ഡയറക്ടര്‍ എന്നീ നിലകളില്‍ പ്രവര്‍ത്തിക്കുന്നു.

സമ്മേളനം 44 അംഗ ജില്ലാ കമ്മിറ്റിയെ ആണ് തെരഞ്ഞെടുത്തത്. അതില്‍ എട്ട് പേര്‍ പുതുമുഖങ്ങളാണ്. ആര്‍.ജയദേവന്‍, എന്‍ സരിത, സി പി പ്രമോദ്, എന്‍ ബി സുഭാഷ്, ടി കെ അച്യുതന്‍, ടി കണ്ണന്‍, ഗോപാലകൃഷ്ണന്‍, സി ഭവദാസ് എന്നിവരാണ് ജില്ലാകമ്മിറ്റിയിലെ പുതു മുഖങ്ങള്‍. അതേ സമയം നിലവിലെ ജില്ലാ കമ്മിറ്റിയില്‍ നിന്നും അഞ്ച് പേരെ ഒഴിവാക്കിയിട്ടുണ്ട്. ടി എന്‍ കണ്ടമുത്തന്‍, എ അനിതാനന്ദന്‍, ഗിരിജാ സുരേന്ദ്രന്‍, വിനയകുമാര്‍, വി കെ ജയപ്രകാശ് എന്നിവരെയാണ് ഒഴിവാക്കിയത്. വൈകുന്നേരം നടക്കുന്ന പൊതുസമ്മേളനം പിണറായി വിജയന്‍ ഉദ്ഘാടനം ചെയ്യും.