കൊല്ലം: കൊല്ലത്ത് ദമ്പതികള്‍ സഞ്ചരിച്ച ബൈക്കില്‍ സ്വകാര്യ ബസിടിച്ച് ഭര്‍ത്താവ് മരിച്ചു. പരവൂര്‍ സ്വദേശി വിജയനാണ് മരിച്ചത്. ഭാര്യ വിജയകുമാരിയെ ഗുരുതര പരിക്കുകളോടെ പാരിപ്പള്ളി മെഡിക്കല്‍ കോളേജ് ആശുപത്രിയില്‍ പ്രവേശിപ്പിച്ചു. 

വൈകിട്ട് ആറു മണിയോടെ പരവൂര്‍ ചാത്തന്നൂര്‍ റോഡിലായിരുന്നു അപകടം. ബസും ബൈക്കും ഒരേ ദിശയില്‍ വരികയായിരുന്നു. ബൈക്കിനു പിന്നാലെ എത്തിയ ബസ് വാഹനത്തെ ഇടിച്ചിട്ടു. വിജയന്റെ ശരീരത്തിലൂടെ ബസ് കയറി ഇറങ്ങിയെന്നാണ് ദൃക്‌സാക്ഷികള്‍ പറയുന്നത്. ബസ് പരവൂര്‍ പൊലീസ് കസ്റ്റഡിയില്‍ എടുത്തു.

 Husband dies after being hit by a bus by a couples bike in Kollam