കല്‍പറ്റ: പ്രിയങ്കഗാന്ധി ഇന്ന് വയനാട്ടിലെത്തു. വയനാട്, മലപ്പുറം, കോഴിക്കോട് ജില്ലകളിലെ വിവിധ പരിപാടികളില്‍ പങ്കെടുക്കാനാണ് പ്രിയങ്ക വയനാട്ടിലെത്തുന്നത്. മൂന്നുദിവസം മണ്ഡലത്തില്‍ ഉണ്ടാവുന്ന എംപി ലോക്‌സഭ ഉപതെരഞ്ഞെടുപ്പില്‍ പ്രവര്‍ത്തിച്ച യുഡിഎഫ് ബൂത്തുതല കമ്മിറ്റി ഭാരവാഹികളുടെയും നേതാക്കളുടെയും സംഗമങ്ങളില്‍ പ്രിയങ്ക ഗാന്ധി പങ്കെടുക്കുന്നതാണ്. 

രാവിലെ 9.30ന് മാനന്തവാടിയില്‍ നാലാം മൈല്‍ എച്ച് ഓഡിറ്റോറിയത്തിലും 12ന് സുല്‍ത്താന്‍ ബത്തേരിയില്‍ എട
ത്തറ ഓഡിറ്റോറിയത്തിലും രണ്ടു മണിക്ക് കല്‍പറ്റയില്‍ ചന്ദ്രഗിരി ഓഡിറ്റോറിയത്തിലുമായിരിക്കും സംഗമം. എല്ലായിടത്തും ബൂത്ത് തല നേതാക്കന്മാരുടെ കണ്‍വെന്‍ഷനുകളിലും പ്രിയങ്ക പങ്കെടുക്കും.

പെരുന്നാള്‍ നടക്കുന്ന ലൂര്‍ദ് മാതാ ദേവാലയത്തിലും പ്രിയങ്കാഗാന്ധി ഇന്ന് വൈകീട്ട് സന്ദര്‍ശനം നടത്തും. ജനുവരി എട്ടിന് മണ്ഡലത്തിലെത്തിയ പ്രിയങ്ക പഞ്ചാരക്കൊല്ലിയില്‍ കടുവയുടെ ആക്രമണത്തില്‍ കൊല്ലപ്പെട്ട രാധയുടെ വീടും ആത്മഹത്യ ചെയ്ത വയനാട് ഡിസിസി ട്രഷറര്‍ എന്‍.എം വിജയന്റെ കുടുംബത്തെയും സന്ദര്‍ശിച്ചിരുന്നു.