തിങ്കളാഴ്ച വിപണി തുടങ്ങിയപ്പോള്‍ സ്വര്‍ണവിലയിലെ വന്‍കുതിപ്പിനാണ് ദുബൈയിലെ ഉപഭോക്താക്കള്‍ സാക്ഷ്യം വഹിച്ചത്. ദുബൈയില്‍ സ്വര്‍ണ്ണ വില ഗ്രാമിന് 1.75 ദിര്‍ഹം വരെയാണ് ഉയര്‍ന്നത്.

യുഎഇയില്‍ വാരാന്ത്യത്തില്‍ വിപണി അവസാനിക്കുമ്പോള്‍  24K സ്വര്‍ണം ഗ്രാമിന് 347.75 ദിര്‍ഹം ഉണ്ടായിരുന്നത് 349.5 ദിര്‍ഹമായും 22K സ്വര്‍ണം ഗ്രാമിന് 1.5 ദിര്‍ഹം വര്‍ധിച്ച് 325 ദിര്‍ഹമായും മാറി. 21K, 18K എന്നിവ യഥാക്രമം ഗ്രാമിന് 11.75 ദിര്‍ഹവും 267.25 ദിര്‍ഹവും ആയി ഉയര്‍ന്നു.

ആഗോളതലത്തില്‍ സ്വര്‍ണം ഔണ്‍സിന് 0.59 ശതമാനം ഉയര്‍ന്ന് 2,901.11 ഡോളറിലെത്തി. സ്വര്‍ണ വിപണിയിലെ കൂടുതല്‍ മാറ്റങ്ങള്‍ക്കായി നിക്ഷേപകര്‍ യുഎസ് പ്രസിഡന്റ് ഡൊണാള്‍ഡ് ട്രംപിന്റെ താരിഫ് നീക്കത്തിനായി കാത്തിരിക്കുകയാണ്.

സ്വര്‍ണ്ണത്തിന്റെ വളര്‍ച്ചാ പാത ഒട്ടുംതന്നെ വ്യക്തമല്ലെന്ന് എഫ്.എക്.സ്‌പ്രോയിലെ ചീഫ് മാര്‍ക്കറ്റ് അനലിസ്റ്റ് അലക്‌സ് കുപ്റ്റ്‌സികെവിച്ച് പറഞ്ഞു.

'ആഴ്ചയുടെ തുടക്കത്തില്‍ 2,940 ഡോളര്‍ കടന്നതിനു ശേഷം, സ്വര്‍ണ്ണത്തിന് ഏകദേശം 80 ഡോളര്‍ വരെ വില കുത്തനെ കുറഞ്ഞു. എന്നിരുന്നാലും, ആഴ്ച അവസാനത്തോടെ വില വീണ്ടും ഉയര്‍ന്നു, വാങ്ങുന്നവര്‍ ജാഗ്രത പാലിക്കുന്നുണ്ടെങ്കിലും അവര്‍ വില ഉയര്‍ത്തുന്നതിനുള്ള സമ്മര്‍ദ്ദം തുടരുന്നതിന്റെ സൂചനയാണിത്,' 
അദ്ദേഹം പറഞ്ഞു.

Increase in Dubai gold prices Gold prices jumped at the beginning of the week